ଭୁବନେଶ୍ବର, ୮।୧ (ତପନ ସ୍ବାଇଁ): ଚଳିତ ମାସ ୯ରୁ ୧୩ ପର୍ଯ୍ୟନ୍ତ ଜୟପୁରର କରୋଲିଠାରେ ହେବାକୁ ଯାଉଥିବା ୪୬ ତମ ଜାତୀୟ ଜୁନିୟର ବାଳକ ହ୍ୟାଣ୍ଡ୍ବଲ ପ୍ରତିଯୋଗିତା ପାଇଁ ଓଡ଼ିଶା ଦଳ ଘୋଷିତ ହୋଇଛି। ମନୋନୀତ ଖେଳାଳି ମାନେ ହେଲେ ଆର୍ଯ୍ୟନ ବ୍ରାହ୍ମିନ (ଅଧିନାୟକ), ରବିନାରାୟଣ ସାମଲ, ଦୀନେଶ ପୃଷ୍ଟି, ଜ୍ଞାନରଞ୍ଜନ ଦାସ, ଗୌରବ ନାୟକ, ରାକେଶ ନାୟକ, ସୂର୍ଯ୍ୟନାରାୟଣ ପରିଡା, ଶୁଭମ ରାଏ, ଶୁଭଙ୍କର ଦାସ, ଗୌରୀ ଶଙ୍କର ଜେନା, ରୁତୁରାଜ ଜେନା, ଈଶ୍ବର ଚନ୍ଦ୍ର ନାୟକ, ସତ୍ୟଜିତ ପାଗଳ, ଅଂଶୁମାନ ଦାସ, ବୈକୁଣ୍ଠ ବେହେରା, ରମାଶିଷ ଜେନା, ଜି. କେଶବ ରେଡ୍ଡୀ ଓ କୁଲଦୀପ ସାମନ୍ତ। କୋଚ ଆକାଶ କୁମାର ପଟ୍ଟନାୟକ, ସହକାରୀ କୋଚ୍ ଚନ୍ଦନ ପତ୍ରୀ ଓ ମ୍ୟାନେଜର ଗୌରୀ ଶଙ୍କର ମିଶ୍ର ଦଳସହ ଯାତ୍ରା କରିଛନ୍ତି। ଓଡ଼ିଶା ହ୍ୟାଣ୍ଡ୍ବଲ ସଂଘର ସମ୍ପାଦକ ମାନସ କୁମାର ସିଂ, ସଭାପତି ବିପ୍ଳବ ଚୌଧୁରୀ, କୋଷାଧ୍ୟକ୍ଷ ସୀତେନ୍ଦ୍ରନାଥ ଦାସ ଓଡ଼ିଶା ଦଳକୁ ଶୁଭେଚ୍ଛା ଜଣାଇଛନ୍ତି।