ଭୁବନେଶ୍ୱର,୨୬ା୯(ସରୋଜ ଜେନା): ଚେନ୍ନାଇରେ ହେବାକୁ ଥିବା ୧୩ତମ ଜାତୀୟ ରୋଲ୍ବଲ୍ ଚାମ୍ପିୟନଶିପ ପାଇଁ ସୋମବାର ଓଡ଼ିଶା ଦଳ ଘୋଷଣା କରାଯାଇଛି। ଆସନ୍ତା ୨୭ରୁ ୩୦ ସେପ୍ଟେମ୍ବର ମଧ୍ୟରେ ଟିଏନ୍ପିଇଏସ୍ୟୁ ଇନଡୋର ଷ୍ଟାଡିୟମରେ ଏହି ମ୍ୟାଚ ଖେଳାଯିବ। ବାଳିକା ଦଳ ପାଇଁ ଅଶ୍ଲେଶା ପଣ୍ଡା ଅଧିନାୟିକା ରହିଥିବା ବେଳେ ବାଳକ ଦଳର ଅଧିନାୟକ ରହିଛନ୍ତି ଶିବେଶ ଗୋରାଇ। କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ଏକ ବିଦାୟ ସମ୍ବର୍ଦ୍ଧନାରେ କ୍ରୀଡା ଓ ଯୁବସେବା ବିଭାଗର ଯୁଗ୍ମ ସଚିବ ଶୈଳେନ୍ଦ୍ର କୁମାର ଜେନା, ଓଏସ୍ଡି ସୋନାଲି ଚାନ୍ଦ ଓ ସିଦ୍ଧାର୍ଥ ଦାସ ଉପସ୍ଥିତ ରହିଥିଲେ। ଅନ୍ୟ ମାନଙ୍କ ମଧ୍ୟରେ ଓଡ଼ିଶା ରୋଲ୍ବଲ୍ ଆସୋସିଏଶନ୍ ଉପ ସଭାପତି ହରେଶ ମିଶ୍ର, ସମ୍ପାଦକ ସୌଦାମିନୀ ପାତ୍ର, ପ୍ରତିଷ୍ଠାତା ପାର୍ଥ ସାରଥୀ ଜେନା ଓ ସଦସ୍ୟ ସୁଶାନ୍ତ ସାହୁ ଏବଂ ସୌମ୍ୟ ପ୍ରଧାନ ଉପସ୍ଥିତ ଥିଲେ।
ବାଳକ ଦଳ: ସେୟଶ ଅଧିକାରୀ, ଶ୍ରୀୟାଂସ ପଟ୍ଟନାୟକ, ସହର୍ଷ ପଟ୍ଟନାୟକ, ଅଧିବ ଚନ୍ଦୁକା, ଅଜିତେଶ ପ୍ରଧାନ, କୀର୍ତ୍ତି କୌଶିକ ଦାସ, ଆର. ଏନ୍. ଆୟନ, ଅସ୍ମିତ ଦାସ, ମନନ କଶ୍ୟପ, ଦେବବ୍ରତ ନାୟକ, ଶିବେଶ ଗୋରାଇ (ଅଧିନାୟକ ଓ ଗୋଲକିପର), ଶ୍ରେୟସ ଶ୍ରୀୟାଂସ।
ବାଳିକା ଦଳ: ଅଶ୍ଲେଶା ପଣ୍ଡା(ଅଧିନାୟକ), ଅଭ୍ୟୁକ୍ତା ପଣ୍ଡା, ସିମୋନ ଶ୍ରେୟା, ଇଚିନି ଦିବ୍ୟାଞ୍ଜଳି, ଆର୍ଶୀ କାନୁନ୍ଗୋ, ମଧୁକ୍ଷରା ମିଶ୍ର, ସୁଦୀକ୍ଷା ସ୍ବାଇଁ, ସୁସାନ୍ନା ରାଉଳ, ଗୁଞ୍ଜନ ରାଉତ, ଆନ୍ଭି ସୁଦୀପ କୁମାରୀ, ଓଁ ଦିବ୍ୟାଂଶୀ ବେହେରା, ଗୀତିକା ଗୀତିମୟ (ଗୋଲ କିପର)।