କେନ୍ଦ୍ରାପଡା, ୨୪।୧୧ (ଜଗନ୍ନାଥ ଧଳ)- କେନ୍ଦ୍ରାପଡା ସଦର ଥାନା ଅନ୍ତର୍ଗତ ଗୁଆଳସିଂ ଠାରେ ରେଳଧାରଣାରୁ ଜଣେ ଯୁବକଙ୍କ ମୃତଦେହ ଠାବ ହୋଇଛି l ରେଳଧାରଣାରେ ଯୁବକଙ୍କ ମୁଣ୍ଡ ଏବଂ ଶରୀର ଅଲଗା ଅଲଗା ହୋଇ ପଡିଥିବା ଅବସ୍ଥାରେ ଲୋକେ ଦେଖିବାକୁ ପାଇଥିଲେ। ପରେ ଏ ନେଇ ପୋଲିସ କୁ ଖବର ଦିଆଯାଇଥିଲା । ମୃତ ଯୁବକ ଚାନ୍ଦୋଳ ପଞ୍ଚାୟତ ଭଣଗାଁ ଗ୍ରାମର ଦୁର୍ଗାପ୍ରସାଦ ସାହୁ ବୋଲି ଜଣାପଡିଛି । ତେବେ ପାରିବାରିକ କଳହ ଯୋଗୁ ଦୁର୍ଗାପ୍ରସାଦ ଗତ ଶୁକ୍ରବାର ଦିନ ଘରୁ ପଳାଇ ଆସିଥିଲେ। ମୃତ ଦେହ ନିକଟରୁ ଆଧାର କାର୍ଡ ଓ ଅନ୍ୟାନ୍ୟ କାଗଜପତ୍ର ଉଦ୍ଧାର ହୋଇଛି l ଘଟଣାସ୍ଥଳରେ ସଦର ଥାନା ପୋଲିସ ପହଞ୍ଚି ମୃତଦେହ ଜବତ କରି ଅଧିକ ତଦନ୍ତ ଚଳାଇଛି।