ଭୋପାଳ,୧।୩:ମଧ୍ୟପ୍ରଦେଶର ଇନ୍ଦୋରରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଜଣେ ୧୦ ବର୍ଷର ବାଳକ ପାଟିରୁ ୫୦ଟି ଦାନ୍ତ ବାହାରିଛି। ଗତ କିଛିଦିନ ହେବ ଯନ୍ତ୍ରଣା ହେଉଥିବା ପିଲାଟି ଦାନ୍ତରେ ହେଉଥିବା କହିବା ପରେ ଡାକ୍ତରମାନେ ତାଙ୍କ ଦାନ୍ତ ପରୀକ୍ଷା କରିଥିଲେ। ପରେ ଜଣାପଡିଥିଲା ଯେ ସେ ଏକ ବିରଳ ରୋଗରେ ପୀଡିତ ଅଛନ୍ତି। ଚିକିତ୍ସା ଜଗତରେ ଏହି ରୋଗକୁ ଓଡୋଣ୍ଟୋମା(Odontoma) କୁହାଯାଏ। ଲକ୍ଷରେ ଏହି ରୋଗର କେବଳ ଜଣେ କିମ୍ବା ଦୁଇ ଜଣଙ୍କୁ ହୋଇଥାଏ।
ସୂଚନାଯୋଗ୍ୟ,ଜଣେ ୧୦ ବର୍ଷର ଶିଶୁର ପାଟି ବହୁତ ଫୁଲି ରହୁଥିଲା। ଦୀର୍ଘ ଦିନ ଧରି ଦାନ୍ତରେ ଯନ୍ତ୍ରଣା ହେଉଥିବା ସେ ଘରେ କହୁଥିଲେ। ତାଙ୍କୁ ଡାକ୍ତରଖାନା ନେବାରୁ ଡାକ୍ତର ତୁରନ୍ତ ଅପରେସନ ଆବଶ୍ୟକ ବୋଲି କହିଥିଲେ।
ଡାକ୍ତର କହିବାଙ୍କ ଅନୁଯାୟୀ, ଯଦି ଏହି ରୋଗର ଚିକିତ୍ସା କରା ନ ଯାଏ ତେବେ ଏହାର ଗୁରୁତର ପରିଣାମ ଦେଖିବାକୁ ମିଳେ। ପିଲାଟିର ଏକ ଅସୁବିଧା ମଧ୍ୟ ଥିଲା ଯେ ଏହି ଅତିରିକ୍ତ ଦାନ୍ତ ତାଙ୍କ ସୁସ୍ଥ ଦାନ୍ତକୁ ମଧ୍ୟ ପ୍ରଭାବିତ କରୁଥିଲା। ତିନିଜଣ ଡାକ୍ତରୀ ଟିମ ପିଲାଟି ସଫଳତାର ସହିତ ଅପରେସନ କରିଛନ୍ତି। ଅପରେସନ ସମୟରେ ୩୦ଟି ଦାନ୍ତ କାଢି ଦିଆଯାଇଛି। ୧୮ ବର୍ଷ ବୟସ ବେଳକୁ ପିଲାଟିର ତିରିଶ ଦାନ୍ତ ଫେରି ଆସିବ ବୋଲି କୁହାଯାଉଛି। ଏହି ଅପରେସନ ବହୁତ କଷ୍ଟସାଧ୍ୟ ଥିଲା ଏବଂ ଏହାକୁ ସମ୍ପୂର୍ଣ୍ଣ କରିବାକୁ ଅଢେଇ ଘଣ୍ଟା ସମୟ ଲାଗିଥିଲା। ଏବେ ଶିଶୁର ସ୍ବାସ୍ଥ୍ୟ ଭଲ ଥିବା ଡାକ୍ତରମାନେ ସୂଚନା ଦେଇଛନ୍ତି।
