ନୂଆଦିଲ୍ଲୀ,୧୬।୧୦: ଅକ୍ଟୋବର ୧୬ ଅର୍ଥାତ୍ ଆଜିଠାରୁ ଟି-୨୦ ବିଶ୍ୱକପ ୨୦୨୨ ଯୋଗ୍ୟତା ପର୍ଯ୍ୟାୟ ଆରମ୍ଭ ହୋଇଛି। ଏଥିସହିତ ଭାରତୀୟ ଦଳ ୨୩ ଅକ୍ଟୋବରରେ ପାକିସ୍ତାନ ବିପକ୍ଷ ମ୍ୟାଚରୁ ଯାତ୍ରା ଆରମ୍ଭ କରିବ। ଭାରତୀୟ ଦଳର ଟି-୨୦ ବିଶ୍ୱକପ ଯାତ୍ରା ଆରମ୍ଭ ପୂର୍ବରୁ ଭାରତ ଆର୍ମି ଟି-୨୦ ବିଶ୍ୱକପ ୨୦୨୨ର ଅଫିଶିଆଲ୍ ଆନ୍ଥେମ୍ ଲଞ୍ଚ୍ କରିଛି। ଭାରତୀୟ ସେନାର ଏହି ଆନ୍ଥେମ୍ ଏବେ ଅଧିକ ଭାଇରାଲ ହେବାରେ ଲାଗିଛି। ପ୍ରଶଂସକମାନେ ଏହି ସଂଗୀତକୁ ବହୁତ ପସନ୍ଦ କରନ୍ତି। ଭାରତ ଆର୍ମି ହେଉଛି ଟିମ ଇଣ୍ଡିଆର ଅଫିଶିଆଲ୍ ସପୋର୍ଟର ଗ୍ରୁପ୍। ସେମାନେ ବିଶ୍ୱର କୋଣଅନୁକୋଣରେ ଭାରତୀୟ ଦଳକୁ ଉତ୍ସାହିତ କରନ୍ତି।
ସସୂଚନାଯୋଗ୍ୟ, ଭାରତୀୟ ଦଳ ୨୩ ଅକ୍ଟୋବରରେ ପାକିସ୍ତାନ ବିପକ୍ଷରେ ମ୍ୟାଚ ଖେଳି ଟି-୨୦ ବିଶ୍ୱକପ ଆରମ୍ଭ କରିବ। ଉଭୟ ଦଳ ମଧ୍ୟରେ ଏହି ମ୍ୟାଚ ମେଲବୋର୍ଣ୍ଣ କ୍ରିକେଟ ଗ୍ରାଉଣ୍ଡରେ ଖେଳାଯିବ। ଏହି ମ୍ୟାଚ ପାଇଁ ଉଭୟ ଭାରତ ଏବଂ ପାକିସ୍ତାନ ଦଳ ସମ୍ପୂର୍ଣ୍ଣ ପ୍ରସ୍ତୁତ ହୋଇସାରିଛନ୍ତି। ଏହି ମ୍ୟାଚ ପାଇଁ ଟିକେଟ ମାତ୍ର ୧୦ ମିନିଟରେ ବିକ୍ରି ହୋଇଯାଇଥିଲା। ଏଥି ସହିତ ଇଣ୍ଡୋ-ପାକର ଏହି ହାଇ-ଭୋଲଟେଜ ମ୍ୟାଚରେ ୯୦ ହଜାରରୁ ଅଧିକ ଦର୍ଶକଙ୍କ ପାଖରେ ପହଞ୍ଚିବାର ସମ୍ଭାବନା ଅଛି।
🎶 Our anthem for the T20 World Cup in Australia! I N D I A – INDIA! See you soon @BCCI and best of luck from your Bharat Army! #BharatArmy #T20WorldCup #India #IndianCricket #COTI 🇮🇳 pic.twitter.com/5EvqRdppYm
— The Bharat Army (@thebharatarmy) October 15, 2022
