ଭୁବନେଶ୍ୱର,୬ା୯(ବ୍ୟୁରୋ): ରାଜ୍ୟର ସମସ୍ତ ବୈଷୟିକ ଶିକ୍ଷାନୁଷ୍ଠାନ ସୋମବାରଠାରୁ ଖୋଲିଛି। ସବୁ ସେମିଷ୍ଟର ପାଇଁ ଶ୍ରେଣୀଗୃହରେ ପାଠପଢ଼ା ଆରମ୍ଭ ହୋଇଛି। ବୈଷୟିକ ବିଶ୍ୱବିଦ୍ୟାଳୟ, ଇଞ୍ଜିନିୟରିଂ ଏବଂ ଧନ୍ଦାମୂଳକ କଲେଜ, ପଲିଟେକ୍ନିକ, ଡିପ୍ଲୋମା କଲେଜ, ଆଇଟିଆଇ କଲେଜର ଛାତ୍ରୀଛାତ୍ର ଅଫ୍ଲାଇନ ମାଧ୍ୟମରେ ପାଠ ପଢୁଛନ୍ତି। ଶ୍ରେଣୀଗୃହରେ ଗହଳି କମାଇବାକୁ ବିଭିନ୍ନ ବ୍ୟାଚ୍ କରି ଅଧିକ ସମୟ ପାଠପଢ଼ା ଯିବ। ସାମାଜିକ ଦୂରତା ସହ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଥିବା ବେଳେ ସାନିଟାଇଜର ବ୍ୟବହାର କରିବା ପାଇଁ ମଧ୍ୟ କୁହାଯାଇଛି।