ଭୋଗରାଇ,୬।୧୧(ଡି.ଏନ୍.ଏ.): ଓଡ଼ିଶା ସୀମାନ୍ତ ପଶ୍ଚିମବଙ୍ଗ ଦୀଘା ଗଭୀର ସମୁଦ୍ର ଉପକୂଳରୁ ଶନିବାର ୩୬ କେଜିର ଏକ ବିରଳ ପ୍ରଜାତିର ତେଲିଆ ଭୋଲା ମାଛ ବଙ୍ଗୀୟ ମତ୍ସ୍ୟଜୀବୀଙ୍କ ଜାଲରେ ପଡିଥିଲା। ଏହି ମାଛକୁ ଦୀଘା ମୁହାଣ ଆନ୍ତର୍ଜାତିକ ମାଛ ବିକ୍ରି କେନ୍ଦ୍ରକୁ ଅଣାଯାଇ ନିଲାମ କରାଯାଇଛି। ଉକ୍ତ ମାଛକୁ କେଜି ପ୍ରତି ୭ହଜାର ୫ଶହରେ ନିଲାମ ହୋଇ କୋଲକାତା ସାନ୍ ଆଣ୍ଡ କମ୍ପାନୀ ୨ଲକ୍ଷ ୭୦ହଜାରରେ କିଣି ନେଇଥିବା ଜଣାପଡିଛି। ୨୯।୧।୨୨ରେ ଏକ ଟ୍ରଲରରେ ୧୨୧ଟି ତେଲିଆ ଭୋଲାକୁ ୨କୋଟି, ୯।୧୦।୨୦୨୨ରେ ୨୮ମାଛକୁ ୩୫ଲକ୍ଷ ଟଙ୍କା ବିକ୍ରି କରାଯାଇଥିବା ବେଳେ ୪।୭।୨୦୨୧ରେ ୬୨ଟି ମାଛକୁ ୧କୋଟି, ୨୭।୧୦।୨୧ରେ ୩୨ଟିକୁ ୬୦ଲକ୍ଷ ବିକ୍ରି କରାଯାଇଥିଲା। ଏହି ମାଛରେ ଔଷଧ ତିଆରି ହେଉଥିବା କୁହାଯାଉଛି।