ଅଏଲି ସ୍କିନ୍ ହୋଇଥିଲେ ସାଧାରଣତଃ ଅଧିକ ଯତ୍ନ ନେବାକୁ ହୋଇଥାଏ। ଆଉ ଏଥିପାଇଁ ରାସାୟନିକ ସାମଗ୍ରୀ ବଦଳରେ ଘରୋଇ ଉପାୟ ଆପଣେଇବା ଅଧିକ ଫଳପ୍ରଦ…
ସାଧାରଣତଃ ତୈଳୀୟ ତ୍ୱଚାରେ ବ୍ରଣ, ଦାଗ ଆଦି ବିଭିନ୍ନ ସମସ୍ୟା ଦେଖାଯାଇଥାଏ। ଏହି ସମସ୍ୟାରୁ ସହଜରେ ମୁକ୍ତି ମିଳିପାରି ନ ଥାଏ। ଏ ଦୃଷ୍ଟିରୁ ଆପଣ କିଛି ଘରୋଇ ଫେସ୍ ପ୍ୟାକ୍ ସମ୍ପର୍କରେ ଜାଣିରଖନ୍ତୁ ଯାହା ସବୁ ସମସ୍ୟାକୁ ସମାଧାନ କରି ତ୍ୱଚାକୁ କୋମଳ କରିପାରିବ।
ନିମ୍ ଫେସ୍ ପ୍ୟାକ୍
ପ୍ରଥମେ ନିମ୍ବ ପତ୍ରକୁ ଧୋଇ ବାଟି ଦିଅନ୍ତୁ। ଏଥିରେ ଲେମ୍ବୁ ରସକୁ ଭଲଭାବେ ମିଶାଇ ମୁହଁରେ ଲଗାନ୍ତୁ। ସପ୍ତାହକୁ ଅତିକମ୍ରେ ଏହି ପ୍ୟାକ ୪ ଥର ଲଗାଇଲେ ମୁହଁରେ ଥିବା ସମସ୍ତ ଦାଗ ଦୂର ହେବା ସହିତ ତ୍ୱଚା ଉଜ୍ୱଳ ଦିଶିବ।
କାକୁଡି ଫେସ୍ ପ୍ୟାକ୍
କାକୁଡିକୁ ଧୋଇ ପ୍ରଥମେ କୋରି ଗ୍ରାଇଣ୍ଡିଂ କରି ଦିଅନ୍ତୁ। ଏବେ ଏଥିରେ ଲେମ୍ବୁ ରସ ମିଶାଇ ଫ୍ରିଜ୍ରେ ରଖି ଦିଅନ୍ତୁ। ଆପଣ ଚାହିଁଲେ ଏହାକୁ ଆଇସ୍ ଟ୍ରେରେ ମଧ୍ୟ ରଖିପାରିବେ। ଫ୍ରିଜରୁ ବାହାର କରି ଏହି ପ୍ୟାକ୍କୁ ମୁହଁରେ ଘଷନ୍ତୁ। ସପ୍ତାହକୁ ଅତି କମ୍ରେ ଏହି ପ୍ୟାକ ୩ ଥର ଲଗାନ୍ତୁ। କିଛି ଦିନ ପରେ ଅଏଲି ତ୍ୱଚାର ସବୁ ସମସ୍ୟା ଦୂରେଇ ଯିବ ଏବଂ ତ୍ୱଚା ବହୁତ୍ ସୁନ୍ଦର ଦିଶିବ।
ମସୁର ଡାଲି ଫେସ୍ପ୍ୟାକ୍
ଦୁଇ ଚାମଚ ମସୁର ଡାଲିକୁ ଭଲଭାବେ ଗୁଣ୍ଡ କରି ସେଥିରେ ଏକ ଚାମଚ ଦହି ଓ ଗୋଲାପ ଜଳ ମିଶାନ୍ତୁ। ଏହି ପେଷ୍ଟକୁ ଭଲଭାବେ ମିଶାଇ ମୁହଁରେ ଲଗାନ୍ତୁ। ଶୁଖି ଆସିବା ପରେ ଧିରେ ଧିରେ ମସାଜ୍ କରି ପାଣିରେ ଧୋଇ ଦିଅନ୍ତୁ। ସପ୍ତାହକୁ ଅତିକମ୍ରେ ଦୁଇଥର ଏହି ପ୍ୟାକ୍ ଲଗାଇଲେ ଅଏଲି ସ୍କିନ୍ର ସବୁ ସମସ୍ୟା ଦୂର ହୋଇପାରିବ ଏବଂ ତ୍ୱଚା କୋମଳ ହେବ।