ନୂଆଦିଲ୍ଲୀ,୨୩।୨: ଦେଶର ପ୍ରମୁଖ ଦୁଇଚକିଆ ବୈଦ୍ୟୁତିକ ଯାନ (ଇଭି) ବ୍ରାଣ୍ଡ୍ ଓକାୟା ଇଭିର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ନୂତନ ଇ-ସ୍କୁଟର ‘ଫାଷ୍ଟ ଏଫ୍୨ଏଫ୍’ର ସର୍ବଭାରତୀୟ ଉନ୍ମୋଚନ ନିକଟରେ ହୋଇଯାଇଛି। ବିଶେଷ କରି ଗୋଟିଏ ଚାର୍ଜରେ ଏହା ୭୦ରୁ ୮୦କି.ମି.ର ଏକ ଉଲ୍ଲେଖନୀୟ ଯାତ୍ରା କରିବା ସହ ଘଣ୍ଟା ପ୍ରତି ୫୦ରୁ ୫୫ କି.ମି. ବେଗରେ ଗତି କରିପାରିବାର ଦକ୍ଷତା ଅବଲମ୍ବନ କରୁଛି। ଏପରିକି ଓକାୟା ଫାଷ୍ଟ ଏଫ୍୨ଏଫ୍ ଯେଉଁମାନେ ଏକ ନିର୍ଭରଯୋଗ୍ୟ ତଥା ସ୍ବଳ୍ପଖର୍ଚ୍ଚୀ ଏବଂ ମନୋରମ ସହରୀ ସ୍କୁଟର ଖୋଜୁଛନ୍ତି ସେମାନଙ୍କ ପାଇଁ ଏହା ବେଶ୍ ପସନ୍ଦଯୋଗ୍ୟ ଏବଂ ସହରୀ ଡିଜାଇନ କରାଯାଇଛି । ସେହିଭଳି ଏହାର ଗ୍ରାହକଙ୍କ ଇଚ୍ଛାକୁ ସମ୍ମାନ ଜଣାଇ ସ୍କୁଟରଟି ୮୦୦ଡବ୍ଲ୍ୟୁ-ବିଏଲ୍ଡିସି-ହବ୍ ମୋଟର ଦ୍ୱାରା ଚାଳିତ ହେଉଥିବା ବେଳେ ୬୦ଭୋଲଟ୍ ୩୬ଏଏଚ୍ (୨.୨କେଡବ୍ଲ୍ୟୁଏଚ୍) ଲିଥିୟମ୍ ଏଲ୍ଏଫ୍ପି ବ୍ୟାଟେରି ସହ ଯୋଡ଼ିହୋଇଛି, ଯାହା ସର୍ବୋଚ୍ଚ ସୁରକ୍ଷା ମାନ୍ୟତା ପୂରଣ କରେ ଏବଂ ବ୍ୟାଟେରି ଉପରେ ୨ବର୍ଷର ନିର୍ଭର ୱାରେଣ୍ଟିି ସହ ଉପଲବ୍ଧ।
ଏ ସମ୍ପର୍କରେ ଓକାୟା ଇଲେକ୍ଟ୍ରିକ୍ ଭେଇକିଲ୍ସର ପରିଚାଳନା ନିର୍ଦ୍ଦେଶକ ଅନ୍ସୁଲ ଗୁପ୍ତା କହିଛନ୍ତି, ଏହାର ଶୁଭାରମ୍ଭ ସହ ଆମେ ଭାରତରେ ଉଚ୍ଚମାନର ଏବଂ ନିର୍ଭରଯୋଗ୍ୟ ଇଭି ପାଇଁ ନୂତନ ମାନକ ସ୍ଥିର କରିଛୁ। ବିଶେଷକରି ଏହାର ସ୍ବତନ୍ତ୍ର ଏବଂ ନିର୍ଭରଯୋଗ୍ୟ ସୁରକ୍ଷା ବୈଶିଷ୍ଟ୍ୟ ସହ ଆମେ ଉପଭୋକ୍ତା ବିଭାଗଗୁଡିକରେ ମଧ୍ୟ ବ୍ୟାପକ ରୂପେ ବିସ୍ତାର କରାଇଛୁ।
