ନୂଆଦିଲ୍ଲୀ,୩୦।୧୨: ଓଲା ଇଲେକ୍ଟ୍ରିକ୍ ପକ୍ଷରୁ ଆସନ୍ତା ବର୍ଷରେ ଏହାର ଇଲେକ୍ଟ୍ରିକ୍ ସ୍କୁଟର ପାଇଁ ୪,୦୦୦ରୁ ଅଧିକ ଚାର୍ଜିଂ ପଏଣ୍ଟ ସ୍ଥାପନ କରିବ। ଏହାର ଉଚ୍ଚାଭିଳାଷୀ ଚାର୍ଜିଂ ଇନ୍ଫ୍ରାଷ୍ଟକଚର ନିର୍ମାଣ ଲକ୍ଷ୍ୟରେ କମ୍ପାନୀ ଅଗ୍ରସର ହେଉଛି। ଏ ନେଇ କମ୍ପାନୀର ପ୍ରତିଷ୍ଠାତା ତଥା ସିଇଓ ଭାବିସ ଅଗ୍ରୱାଲ ଟୁଇଟକରି କହିଛନ୍ତି, କମ୍ପାନୀ ହାଇପର ଚାର୍ଜ ରୋଲ ଆଉଟ୍ ଦେଶର ସହର ସାରା ଆରମ୍ଭ ହୋଇଛି। ଦେଶର ପ୍ରମୁଖ ତୈଳ ବିପଣନ କମ୍ପାନୀ ବିପିସିଏଲ୍ର ପମ୍ପଗୁଡ଼ିକରେ ମଧ୍ୟ ଏହାର ଆବାସିକ କମ୍ପ୍ଲେକ୍ସଗୁଡିକ ପ୍ରସ୍ତୁତ କରାଯାଉଛି। ୪୦୦୦ରୁ ଊର୍ଦ୍ଧ୍ୱ ପଏଣ୍ଟରେ ଆସନ୍ତା ବର୍ଷ ମଧ୍ୟ ଗ୍ରାହକଙ୍କ ସେବା ଉପଲବ୍ଧ ରହିବ। ଆମେ ସମଗ୍ର ଭାରତରେ ଏହା ସଂସ୍ଥାପନ କରୁଛୁ ଏବଂ ସେଗୁଡିକୁ ୬ରୁ ୮ ସପ୍ତାହ ମଧ୍ୟରେ କାର୍ଯ୍ୟକ୍ଷମ କରାଇବୁ ବୋଲି ଜଣାପଡିଛି। ଇଭିର ସମସ୍ତ ଗ୍ରାହକଙ୍କ ପାଇଁ ଜୁନ୍ ୨୨ ଶେଷ ପର୍ଯ୍ୟନ୍ତ ମାଗଣା ବ୍ୟବହାର ସୁବିଧା ରହିବ ବୋଲି ନିକଟରେ ଭାବିସ ଏକ ଟୁଇଟରେ କହିଛନ୍ତି। ଓଲା ଏହାର ଫ୍ୟୁଚର ଫ୍ୟାକ୍ଟ୍ରିରେ ଉତ୍ପାଦନ କରୁଥିବା ଉନ୍ନତ ଦୁଇଚକିଆ ବୈଦ୍ୟୁତିକ ଯାନରେ ବିସ୍ତାର କରି ଚାଲିଛି। କମ୍ପାନୀ ଏହା ପୂର୍ବରୁ ଇ-ସ୍କୁଟର – ଓଲା ଏସ୍୧ ଏବଂ ଏସ୍୧ ପ୍ରୋର ବିତରଣ ଆରମ୍ଭ କରିସାରିଛି। ଆସନ୍ତା ମାସରେ ଭାରତରେ ଲଞ୍ଚ ହେବାକୁ ଥିବା ଓଲା ସ୍କୁଟରରୁ ଆରମ୍ଭ ହେବାକୁ ଥିବା ଦୁଇଚକିଆ ଉତ୍ପାଦ ପାଇଁ ଏକ ଚାର୍ଜିଂ ନେଟ୍ୱାର୍କ ପାଇଁ ଏପ୍ରିଲରେ ଓଲା ’ହାଇପରଚାର୍ଜ ନେଟ୍ୱାର୍କ’କୁ ଆବରଣ କରିଥିଲା। କମ୍ପାନୀର ସୂଚନା ଅନୁଯାୟୀ, ୪୦୦ଟି ସହରରେ ୧ ଲକ୍ଷରୁ ଅଧିକ ଚାର୍ଜିଂ ପଏଣ୍ଟ ସହିତ ଚାର୍ଜିଂ ନେଟ୍ୱାର୍କ ଦୁନିଆର ସବୁଠାରୁ ପ୍ରଶସ୍ତ ଏବଂ ସାନ୍ଧ୍ର ଇଲେକ୍ଟ୍ରିକ୍ ଦୁଇଚକିଆ ଚାର୍ଜିଂ ନେଟ୍ୱାର୍କ ହେବ।