ପୂର୍ବରୁ କୁକୁର ଏବଂ ବିଲେଇଙ୍କ ଖୁବ୍ ସୁନ୍ଦର ସୁନ୍ଦର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି, ଯାହା ହସର ଖୋରାକ ଯୋଗାଇଛି। ମାତ୍ର ଏବେ ଏକ ରାଗି ଷଣ୍ଢର ଭିଡିଓ ଭାଇରାଲ ହୋଇଛି। ଯାହା ଦେଖିଲେ ଆପଣ ଆଶ୍ଚର୍ଯ୍ୟ ହେବା ସହ ହସିହସି ଗଡ଼ିଯିବେ। ଭିଡିଓଟିରେ ଜଣେ ବୃଦ୍ଧ ବିନା କାରଣରେ ରାସ୍ତା ଉପରେ ଠିଆ ହୋଇଥିବା ଏକ ଷଣ୍ଢକୁ ମାରୁଥିବା ଦେଖିବାକୁ ମିଳିଛି। ଷଣ୍ଢ ରାଗିକି ଏହାର ମଧ୍ୟ ପାଲଟା ଜବାବ ଦେଇଛି।
ରାସ୍ତାରେ ଶାନ୍ତ ସୁଧାର ଭାବେ ଠିଆ ହୋଇଥିବା ଏକ ଷଣ୍ଢକୁ ବିନା କାରଣରେ ବୃଦ୍ଧ ଜଣଙ୍କ ପିଟୁଛନ୍ତି। ଏହା ପରେ ଷଣ୍ଢର ରାଗ ପ୍ରଚଣ୍ଡ ହୋଇଗଲା। ସେ ବୃଦ୍ଧଙ୍କୁ ଶିଙ୍ଗରେ ଟେକି କଚାଡ଼ି ଦେଇ ଦୂରକୁ ଚାଲିଯାଉଥିବା ନଜର ଆସିଛି।
ଭିଡିଓଟି ୨୬ ସେପ୍ଟେମ୍ବରରେ ଟୁଇଟର ପେଜ୍ରେ ଶେୟାର କରାଯାଇଥିବା ବେଳେ ବର୍ତ୍ତମାନ ସୁଦ୍ଧା ୪୫ ହଜାରରୁ ଅଧିକ ଲୋକ ଏହାକୁ ଦେଖିସାରିଲେଣି। ଏହା ସହିତ ୨୦୦ରୁ ଅଧିକ ଲାଇକ୍ ଏବଂ ରିଟୁଇଟ୍ ମଧ୍ୟ ହୋଇଛି। ଲୋକେ ଭିଡିଓକୁ ଦେଖି ହସିହସି ଗଡ଼ିଯାଉଛନ୍ତି।