ହାଇଦ୍ରାବାଦ୍,୩୦।୧୦: କଂଗ୍ରେସର ଭାରତ ଯୋଡୋ ଯାତ୍ରା ଏବେ ତେଲେଙ୍ଗାନାରେ ଚାଲିଛି। ରବିବାର ଏହି ଯାତ୍ରା ଗୋଲାପାଲୀରୁ ଆରମ୍ଭ ହୋଇଥିଲା। ଏହି ସମୟରେ ରାହୁଲ ଗାନ୍ଧୀ କାର୍ଯ୍ୟକର୍ତ୍ତା ଏବଂ ପିଲାମାନଙ୍କ ସହ ଏକ ଦୌଡି ଥିଲେ। ଏହାଦ୍ୱାରା ଲୋକଙ୍କ ମଧ୍ୟରେ ଉତ୍ସାହ ଭରି ଯାଇଥିଲା। କଂଗ୍ରେସ ଟୁଇଟର୍ ହ୍ୟାଣ୍ଡେଲରେ ଏହାର ଏକ ଭିଡିଓ ମଧ୍ୟ ପୋଷ୍ଟ କରିଛି ଏଥିରେ ରାହୁଲ ଗାନ୍ଧୀ ଦୌଡୁଥିବାର ଦେଖାଯାଉଛି।
ଏହା ବ୍ୟତୀତ କଂଗ୍ରେସ ଆଜିର ଯାତ୍ରାର କିଛି ଫଟୋ ମଧ୍ୟ ପୋଷ୍ଟ କରିଛି। ଦଳ ଲେଖିଛି ଯେ, ଆମକୁ ଅନ୍ୟାୟ ଏବଂ ଘୃଣା ବିରୋଧରେ ସ୍ବର ଉତ୍ତୋଳନ କରିବାକୁ ପଡିବ। ଆମେ ଭାରତକୁ ଏହିପରି ଛିନ୍ନଛତ୍ର କରିବାକୁ ଦେବୁ ନାହିଁ।
ରାହୁଲ ଗାନ୍ଧୀ କହିଛନ୍ତି, ଭାରତ ଯୋଡୋ ଯାତ୍ରା ସମୟରେ ଯଦି ଗୁଜରାଟରେ କଂଗ୍ରେସ ସରକାର କ୍ଷମତାକୁ ଆସେ, ତେବେ ଆମେ ପୁରୁଣା ପେନସନ୍ ସ୍କିମ୍ ଫେରାଇ ଆଣିବୁ। ଏହା ବ୍ୟତୀତ ଚୁକ୍ତିଭିତ୍ତିକ କର୍ମଚାରୀଙ୍କୁ ନିୟମିତ କରାଯିବ। ଏହା ହେଉଛି କଂଗ୍ରେସର ଦୃଢ ପ୍ରତିଶ୍ରୁତି।
କଂଗ୍ରେସ ସୂତ୍ରରୁ ପ୍ରକାଶ ଯେ ରାହୁଲ ଗାନ୍ଧୀ ଦଳର ନେତା ତଥା କର୍ମୀଙ୍କ ସହ ଆଜି ପ୍ରାୟ ୨୨ କିଲୋମିଟର ଦୂରତା ଅତିକ୍ରମ କରିବେ। ରାହୁଲ ସାରେ ଶାଦନଗରର ସଲିପୁର ଜଙ୍କସନ ଠାରେ ଏକ ସଭାକୁ ସମ୍ବୋଧିତ କରିବେ। ନଭେମ୍ବର ୭ରେ ମହାରାଷ୍ଟ୍ରରେ ପ୍ରବେଶ କରିବା ପୂର୍ବରୁ ଏହି ଯାତ୍ରା ତେଲେଙ୍ଗଳନାରେ ୩୭୫ କିଲୋମିଟର ଦୂରତା ଅତିକ୍ରମ କରିବ। ଏହି ସମୟ ମଧ୍ୟରେ ଯାତ୍ରା ୧୯ଟି ବିଧାନସଭା ଏବଂ ତେଲେଙ୍ଗାନାର ସାତୋଟି ସଂସଦୀୟ ନିର୍ବାଚନମଣ୍ଡଳୀ ଦେଇ ଗତି କରିବ। ନଭେମ୍ବର ୪ରେ ଭାରତ ଯୋଡୋ ଯାତ୍ରୀଙ୍କୁ ଗୋଟିଏ ଦିନ ବିଶ୍ରାମ ଦିଆଯିବ।