ମାଲକାନଗିରି,୧୨।୧୦(ଡି.ଏନ୍.ଏ.): ମାଲକାନଗିରି ଜିଲା ମାଥିଲି ବ୍ଲକ ଅନ୍ତର୍ଗତ ତୁଳସୀ ପାହାଡ଼ରେ ପୋଲିସ ଓ ମାଓବାଦୀ ମଧ୍ୟରେ ମଙ୍ଗଳବାର ଗୁଳି ବିନିମୟ ହୋଇଛି। ଏଥିରେ ୩ ଜଣ ମାଓବାଦୀଙ୍କ ମୃତ୍ୟୁ ଘଟିଛି । ତୁଳସୀ ପାହାଡ଼ ଜଙ୍ଗଲରେ ଏକ ମାଓବାଦୀ ଶିବିର ଥିବା ଖବର ପାଇ ଏସ୍ଓଜି ଓ ଡିବିଏଫ୍ ସୁରକ୍ଷାକର୍ମୀଙ୍କ ପକ୍ଷରୁ ମାଲକାନଗିରି ଏସ୍ପି ପ୍ରହ୍ଲାଦ ମିନାଙ୍କ ନେତୃତ୍ୱରେ ସୋମବାର ରାତିରୁ କମ୍ବିଂ ଅପରେଶନ ଚାଲିଥିଲା॥ ମଙ୍ଗଳବାର ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା। ଏଥିରେ ମାଓବାଦୀ ନେତା ସୁନୀଲ ସହିତ ଅନ୍ୟ କିଛି ମାଓବାଦୀ ଛତ୍ରଭଙ୍ଗ ଦେଇଥିଲେ । ତେବେ ଘଟଣାସ୍ଥଳରୁ ପୋଲିସ ଜଣେ ମହିଳା ମାଓବାଦୀଙ୍କ ମୃତଦେହ ସମେତ ଏକ ବନ୍ଧୁକ, ବିଭିନ୍ନ ବିସ୍ଫୋରକ ସାମଗ୍ରୀ ଜବତ କରାଯାଇଛି।