ନୂଆଦିଲ୍ଲୀ, ୪।୮: କେଟି ଲେଡେସ୍କି। ଆମେରିକାର ଏହି ପ୍ରତିଭାବାନ ସନ୍ତରଣକାରୀ ବିଶ୍ୱ ସନ୍ତରଣରେ ଜଣେ ଜଣାଶୁଣା ଚେହେରା। ମାତ୍ର ୨୩ ବର୍ଷ ବୟସରେ କେଟୀ ୫ଟି ଅଲିମ୍ପିକ ସ୍ବର୍ଣ୍ଣ ପଦକ ଜିତିବାର କୀର୍ତ୍ତିମାନ ଲାଭ କରିସାରିଛନ୍ତି। ସେହିଭଳି ବିଶ୍ୱ ଚାମ୍ପିୟନଶିପ୍ରେ ୧୫ଥର ଚାମ୍ପିୟନ ହୋଇଛନ୍ତି। ତେବେ ନିକଟରେ କେଟୀ ଗୋଟିଏ କ୍ଷୀର ଗ୍ଲାସକୁ ମୁଣ୍ଡରେ ରଖି ଅବିଶ୍ୱସନୀୟ ଭାବେ ରଖି ସୁଇମିଂ ପୁଲ୍ର ଗୋଟିଏ ପାର୍ଶ୍ୱରୁ ପହଁରି ଅନ୍ୟ ପାର୍ଶ୍ୱରେ ପହଞ୍ଚତ୍ଥିଲେ। କେଟୀଙ୍କ ଏପରି ଚମତ୍କାର ଭାବେ ପହଁରିଥିଲେ ଯେ ଗୋଟିଏ ବୁନ୍ଦା କ୍ଷୀର ମଧ୍ୟ ତଳେ ପଡ଼ି ନ ଥିଲା। କେଟୀଙ୍କ ଏହି ଭିଡିଓଟି ଏବେ ସୋସିଆଲ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି।
Possibly one of the best swims of my career! (~open for debate~)
What can you do without spilling a drop?! Check out the #gotmilkchallenge on TikTok. #gotmilk #ad pic.twitter.com/F05UzvaqCo— Katie Ledecky (@katieledecky) August 3, 2020
ଭାଇରାଲ୍ ହେବାରେ ଲାଗିଥିବା ଏହି ଭିଡିଓରେ ଦେଖିବାକୁ ମିଳିଛି ଯେ, କେଟୀ ଚକୋଲେଟ୍ ମିଶ୍ରିତ ଗୋଟିଏ କ୍ଷୀର ଗ୍ଲାସକୁ ମୁଣ୍ଡର ପଛ ପାର୍ଶ୍ୱରେ ରଖିଛନ୍ତି। ଏହାପରେ ସେ ସୁଇମିଂ ପୁଲ୍ର ଗୋଟିଏ ପାର୍ଶ୍ୱରୁ ଅପରପାର୍ଶ୍ୱକୁ ଅନାସୟରେ ପହଁରି ପଳାଇଥିଲେ। ଏହି ସମୟରେ ସେ ନିଜ ମୁଣ୍ଡକୁ ଏତେ ସନ୍ତୁଳିତ କରି ରଖିଥିଲେ ଯେ କ୍ଷୀର ଗ୍ଲାସଟି ସ୍ଥିର ଭାବେ ସେହିଭଳି ରହିଥିଲା। ଅପରପାର୍ଶ୍ୱରେ ପହଞ୍ଚତ୍ବା ପରେ କେଟୀ କ୍ଷୀର ଗ୍ଲାସକୁ ମୁଣ୍ଡରୁ ବାହାର କରି ଦୀର୍ଘ ନିଶ୍ୱାସ ଛାଡ଼ି ପିଇଥିଲେ। ଏହି ଭିଡିଓକୁ କେଟୀ ତାଙ୍କ ଇନ୍ଷ୍ଟାଗ୍ରାମ ପୃଷ୍ଠାରେ ଶେୟାର କରିଛନ୍ତି। ‘ସମ୍ଭବତଃ ମୋ କ୍ୟାରିୟରର ଏହା ଶ୍ରେଷ୍ଠ ସନ୍ତରଣ’ ବୋଲି ସେ କ୍ୟାପସନରେ ଉଲ୍ଲେଖ କରିଛନ୍ତି। ଏହି ଭିଡିଓକୁ ୨.୭ ମିଲିୟନ ଲୋକ ଦେଖିଥିବା ଜଣାପଡ଼ିଛି।
