ଏମ୍ଏମ୍ଏ କ୍ୟାରିୟର ଆରମ୍ଭ କରିବେ ଅଲିମ୍ପିକ୍ ସ୍ବର୍ଣ୍ଣ ପଦକଧାରୀ ବକ୍ସର କ୍ଲାରେସା
ଓ୍ବାଶିଂଟନ, ୧।୧୨ : ଦୁଇ ଥର ଅଲିମ୍ପିକ୍ ସ୍ବର୍ଣ୍ଣ ପଦକଧାରୀ ବକ୍ସର କ୍ଲାରେସା ଶିଲ୍ଡସ ମିକ୍ସଡ୍ ମାର୍ସିଆଲ ଆର୍ଟସ (ଏମ୍ଏମ୍ଏ)ରେ ନିଜ ଭାଗ୍ୟ ପରୀକ୍ଷା କରିବେ। ପ୍ରୋଫେଶନାଲ ଫାଇଟର୍ସ ଲିଗ୍ରେ ଖେଳିବାକୁ ଚୁକ୍ତି କରିଛନ୍ତି ଆମେରିକୀୟ ବକ୍ସର ଶିଲ୍ଡସ। ଫଳରେ ୨୫ ବର୍ଷୀୟା ବକ୍ସରଙ୍କ ନିକଟରେ ପ୍ରଥମ ମହିଳା ଭାବେ ଏକା ସମୟରେ ଏମ୍ଏମ୍ଏ ଓ ବକ୍ସିଂରେ ଟାଇଟାଲ ଅଧିକାରୀ ହେବାର ସୁଯୋଗ ରହିଛି।
ସେ ଆଗାମୀ ବର୍ଷ ଏମ୍ଏମ୍ଏରେ ପଦାର୍ପଣ କରିବେ। ୨୦୨୨ ପିଏଫ୍ଏଲ୍ ଟାଇଟଲ ପୂର୍ବରୁ ୨୦୨୧ରେ ୨ରୁ ୩ଟି ଏମ୍ଏମ୍ଏ ଫାଇଟ୍ସ ଓ ଦୁଇଟି ବକ୍ସିଂ ମ୍ୟାଚ୍ ଖେଳିବାକୁ ଆଶା ପ୍ରକଟ କରିଛନ୍ତି। ମୁଁ ନିଜର ଦକ୍ଷତା ପ୍ରଦର୍ଶିତ କରିବାକୁ ଉଦ୍ୟମ କରୁନାହିଁ। ଏହାକୁ ମୁଁ ଗମ୍ଭୀରତାର ସହ ନେଉଛି। ମୋ ହାତ ଅନ୍ୟମାନଙ୍କ ଠାରୁ ଭଲ। କେବଳ ଏହି କାରଣରୁ ମୁଁ ଏମଏମଏରେ ପ୍ରତିଦ୍ୱନ୍ଦ୍ୱିତା କରିବାକୁ ନିଷ୍ପତ୍ତି ନେଇ ନାହିଁ ବୋଲି ସେ କହିଛନ୍ତି।
ଉଲ୍ଲେଖଥାଉ କି, ଶିଲ୍ଡସଙ୍କ ଭଳି ପୂର୍ବରୁ ମଧ୍ୟ କିଛି ଫାଇଟର ଉଭୟ ବକ୍ସିଂ ଓ ଏମ୍ଏମ୍ଏରେ ଭାଗ୍ୟ ପରୀକ୍ଷା କରିଥିଲେ। ସେମାନଙ୍କ ମଧ୍ୟରୁ ଚାମ୍ପିୟନ ବକ୍ସର ହଲି ହୋମ୍ ଷ୍ଟାର ଫାଇଟର ରୋଣ୍ଡା ରାଉଜିଙ୍କୁ ହରାଇ ହାତେଇ ଥିଲେ ୟୁଏଫ୍ସି ବେଲ୍ଟ। ସେହିଭଳି କର୍ନର ମ୍ୟାକଗ୍ରେଗର ବକ୍ସିଂ ଭଳି ୟୁଏଫ୍ସିରେ ମଧ୍ୟ ଅନେକ ସଫଳତା ପାଇଥିଲେ।
