ନୂଆଦିଲ୍ଲୀ,୨୫।୭: ପ୍ୟାରିସ ଅଲମ୍ପିକ୍ସରେ ଭାରତ ଏହାର ଅଭିଯାନ ତୀରନ୍ଦାଜରେ ବିଜୟ ସହିତ ଆରମ୍ଭ କରିଛି। ଆୟୋଜକ ଫ୍ରାନ୍ସ ସହିତ ଭାରତର କିଛି ସମୟ କଡ଼ା ପ୍ରତିଯୋଗିତା ଦେଖିବାକୁ ମିଳିଥିଲା। ତେବେ ଭାରତର ତାରକା ପ୍ଲେୟାର ଭଜନ କୌର, ଅଙ୍କିତା ଭକତ ଏବଂ ଦୀପିକା କୁମାରୀଙ୍କ ଦୃଢ ପ୍ରଦର୍ଶନ ବଳରେ ଭାରତ ଚତୁର୍ଥ ସ୍ଥାନ ଦଖଲ କରିବା ସହିତ କ୍ୱାର୍ଟର ଫାଇନାଲରେ ପ୍ରବେଶ କରିଛି। ଆରମ୍ଭରୁ ଉତ୍ସାହଜନକ ପ୍ରଦର୍ଦ୍ଧନ ସହିତ ଭାରତ ତୀରନ୍ଦାଜରେ ଏକ ପଦକ ଆଡକୁ ନିକଟତର ହୋଇଛି।
ଅଙ୍କିତା ଭକତ ତାଙ୍କର ପ୍ରଥମ ଅଲିମ୍ପିକ୍ସରେ ସୁନ୍ଦର ପ୍ରଦର୍ଶନ କରିଛନ୍ତି। ସେ ମୁଖ୍ୟ ମହିଳା ବ୍ୟକ୍ତିଗତ ଇଭେଣ୍ଟ ପୂର୍ବରୁ ୬୬୬ ସ୍କୋର(ସିଜିନର ସର୍ବାଧିକ) ସହିତ ଏକାଦଶ ସ୍ଥାନରେ ସମାପ୍ତ କରିଛନ୍ତି। ସେହିପରି ସାଥି ଖେଳାଳି ଭଜନ କୌର (୬୫୯ ସ୍କୋର) ସହିତ ୨୨ ତମ ସ୍ଥାନରେ ରହିଥିଲା ବେଳେ ଅଭିଜ୍ଞ ଦୀପିକା କୁମାରୀ (୬୫୮ ସ୍କୋର) ସହିତ ୨୩ ତମ ସ୍ଥାନରେ ରହିଥିଲେ।
ଯଦି ମହିଳା ବର୍ଗରେ ଭାରତ କ୍ୱାର୍ଟର ଫାଇନାଲରେ ଜିତେ, ତେବେ ସେମିରେ ଡିଫେଣ୍ଡିଂ ଚାମ୍ପିଅନ୍ ଦକ୍ଷିଣ କୋରିଆର ସମ୍ମୁଖୀନ ହେବାର ସମ୍ଭାବନା ରହିଛି। ଯିଏ ପ୍ରଥମ ସ୍ଥାନ ଅଧିକାର କରିଛନ୍ତି। ଅଲିମ୍ପିକ୍ସ ଇତିହାସରେ ଦକ୍ଷିଣ କୋରିଆ ୨୭ ତୀରନ୍ଦାଜ ସ୍ୱର୍ଣ୍ଣ ପଦକ ଜିତିଛି, ଯାହାକି ଅନ୍ୟ ଦେଶ ତୁଳନାରେ ୧୩ ଅଧିକ।