ଓ୍ବାଶିଂଟନ,୨୨ା୮: ଆମେରିକାରେ ରାଷ୍ଟ୍ରପତି ନିର୍ବାଚନକୁ ନେଇ ରାଜନୀତି ବେଶ୍ ସରଗରମ ହୋଇଛି। ରିପବ୍ଲିକାନ ପାର୍ଟିର ପ୍ରାର୍ଥୀ ଡୋନାଲ୍ଡ ଟ୍ରମ୍ପ୍ ଦୌଡ଼ରେ ଥିବା ବେଳେ ଡେମୋକ୍ରାଟିକ୍ ପ୍ରାର୍ଥୀ କମଳା ହାରିସ୍ ମଧ୍ୟ ତାଙ୍କୁ ଏକ କଡ଼ା ଟକ୍କର ଦେଉଛନ୍ତି। ଏହି ସମୟରେ ଡେମୋକ୍ରାଟିକ୍ ପାର୍ଟିର ଜାତୀୟ ସମ୍ମିଳନୀ ଚର୍ଚ୍ଚାର ବିଷୟ ପାଲଟିଛି।
ଚିକାଗୋରେ ଡେମୋକ୍ରାଟିକ୍ ନ୍ୟାଶନାଲ କନ୍ଭେନସ୍ନର ତୃତୀୟ ଦିନଟି ବିଶେଷ ଥିଲା। କାରଣ ଜଣେ ହିନ୍ଦୁ ପୁରୋହିତଙ୍କ ଦ୍ୱାରା ବୈଦିକ ମନ୍ତ୍ରରୁ ଏହି କନ୍ଭେନ୍ସନ୍ ଆରମ୍ଭ ହୋଇଥିଲା। ଏହି ସମ୍ମିଳନୀ ଯେତେବେଳେ ଆରମ୍ଭ ହୋଇଥିଲା ସେତେବେଳେ ହଲ୍ରେ ଓମ୍ ଶାନ୍ତି ଶାନ୍ତି ସ୍ଲୋଗାନ ଶୁଣିବାକୁ ମିଳିଥିଲା। ମ୍ୟାରିଲାଣ୍ଡର ଶିବ ବିଷ୍ଣୁ ମନ୍ଦିରର ପୁରୋହିତ ରାକେଶ ଭଟ୍ଟ ଦେଶ ପାଇଁ ଆଶୀର୍ବାଦ କାମନା କରି ବୈଦିକ ପ୍ରାର୍ଥନା କରିଥିଲେ।
ରାକେଶ ଭଟ୍ଟ ଜଣେ ପୁରୋହିତ। ଯିଏ ବେଙ୍ଗାଲୁରୁରୁ ଆମେରିକା ଯାଇଥିଲେ। ସେ ହିନ୍ଦୀ, ଇଂରାଜୀ, ସଂସ୍କୃତ, ତାମିଲ, ତେଲୁଗୁ ଏବଂ କନ୍ନଡ଼ରେ କଥାବାର୍ତ୍ତା କରନ୍ତି। ତାଙ୍କର ସଂସ୍କୃତ, ଇଂରାଜୀ ଏବଂ କନ୍ନଡରେ ତିନୋଟି ଭାଷାରେ ସ୍ନାତକ ଏବଂ ମାଷ୍ଟର ଡିଗ୍ରୀ ରହିଛି।
ସେ ବେଙ୍ଗାଲୁରୁର ଓଷ୍ଟେନ କଲେଜରୁ ଇଂରାଜୀ ଏବଂ କନ୍ନଡରେ ଏବଂ ଜୟଚାମାରାଜେନ୍ଦ୍ର କଲେଜରୁ ସଂସ୍କୃତରେ ଡିଗ୍ରୀ ହାସଲ କରିଥିଲେ। ଡେମୋକ୍ରାଟିକ୍ ପାର୍ଟି ଡେପୁଟି ନ୍ୟାଶନାଲ ଫାଇନାନ୍ସ ଚେୟାରମ୍ୟାନ ଅଜୟ ଭୁଟୋରିଆ କହିଛନ୍ତି, ଡିଏନ୍ସିରେ ରାକେଶଙ୍କ ହିନ୍ଦୁ ପ୍ରାର୍ଥନା ଏକ ଗୁରୁତ୍ୱପୂର୍ଣ୍ଣ ମୁହୂର୍ତ୍ତ ଯାହା ଡେମୋକ୍ରାଟିକ୍ ପାର୍ଟିର ଅନ୍ତର୍ଭୂକ୍ତତା ଏବଂ ବିବିଧତା ପ୍ରତି ପ୍ରତିବଦ୍ଧତାକୁ ପ୍ରତିଫଳିତ କରିଥାଏ।
ଡେମୋକ୍ରାଟିକ୍ ପାର୍ଟିର ସବୁଠାରୁ ବଡ଼ କାର୍ଯ୍ୟକ୍ରମ ବୋଲି ବିବେଚନା କରାଯାଏ। ରାଷ୍ଟ୍ରପତି ନିର୍ବାଚନ ପୂର୍ବରୁ ଚାରି ବର୍ଷରେ ଥରେ ଏହା ଘଟେ। ଏହା ତତ୍କାଳୀନ ରାଷ୍ଟ୍ରପତି ଆଣ୍ଡ୍ରିୟୁ ଜ୍ୟାକସନଙ୍କୁ ବାଛିବା ପାଇଁ ୧୮୩୨ରେ ଆରମ୍ଭ ହୋଇଥିଲା।