![](https://www.dharitri.com/wp-content/uploads/2021/04/omar-abdullah.jpg)
ଶ୍ରୀନଗର,୯।୪: ନ୍ୟାସନାଲ କନ୍ଫରେନ୍ସ ନେତା ତଥା ଜମ୍ମୁ-କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଓମାର ଅବଦ୍ଦୁଲା କରୋନାରେ ଆକ୍ରାନ୍ତ ହୋଇଛନ୍ତି। ଏନେଇ ଓମାର ଟୁଇଟ କରି ସୂଚନା ଦେଇଛନ୍ତି। ତାଙ୍କ ନିକଟରେ କରୋନାର କୌଣସି ଲକ୍ଷଣ ନ ଥିବା ବେଳେ ଶୁକ୍ରବାର ଆସିଥିବା ରିପୋର୍ଟରେ କରୋନା ପଜିଟିଭ୍ ବାହାରିଛି। ତେବେ ଡାକ୍ତରଙ୍କ ପରାମର୍ଶକ୍ରମେ ସେ ହୋମ୍ ଆଇସୋଲେଶନ୍ରେ ରହି ସମସ୍ତ ନିର୍ଦ୍ଦେଶକୁ ପାଳନ କରୁଛନ୍ତି। ଏଥିସହ ନିଜ ଅମ୍ଲଜାନ ଉପରେ ମଧ୍ୟ ନଜର ରଖିଛନ୍ତି ବୋଲି ସେ କହିଛନ୍ତି। ବର୍ଷେ ହେଲା ସେ କରୋନାରୁ ଦୂରେଇ ରହିଥିବା ବେଳେ ଶେଷରେ ତା’ କବଳରେ ପଡ଼ିଗଲେ ବୋଲି ଓମାର କହିଛନ୍ତି। ଅନ୍ୟପଟେ ତାଙ୍କ ପିତା ଫାରୁକ ଅବଦ୍ଦୁଲା କରୋନାରେ ଆକ୍ରାନ୍ତ ହୋଇଥିବା ବେଳେ ବୁଧବାର ତାଙ୍କୁ ଶ୍ରୀନଗରର ଏକ ହସ୍ପିଟାଲରୁ ଡିସ୍ଚାର୍ଜ କରାଯାଇଛି।