ମଦ୍ୟପାନ ସ୍ବାସ୍ଥ୍ୟ ପାଇଁ କ୍ଷତିକାରକ। ସମଗ୍ର ବିଶ୍ୱରେ ଏତେ ଦାମୀ ମଦ ରହିଛି ଯାହାକୁ କେହି ସହଜରେ କିଣି ପାରିବେ ନାହିଁ । ଅନ୍ୟପକ୍ଷେ ଏପରି ମଦ ରହିଛି, ଯାହା ବିଷୟରେ ଜାଣି ଲୋକେ ଆଶ୍ଚର୍ଯ୍ୟ ହୋଇଯିବେ। ଏପରି ଏକ ମଦ କେବଳ ଜାପାନରେ ଉପଲବ୍ଧ ।
ଏହାର ନାମ ‘ହାବୁଶୁ’, ଯାହା ‘ଜାପାନୀ ସ୍ନେକ ହ୍ବିସ୍କି’ ଭାବରେ ସାରା ବିଶ୍ୱରେ ଲୋକପ୍ରିୟ। ଏହି ହ୍ବିସ୍କିର ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି। ଯେଉଁଥିରେ ହ୍ବିସ୍କିକୁ ସାପ ସହିତ ଏକ ବୋତଲରେ ରଖାଯାଇଛି। ଆଶ୍ଚର୍ଯ୍ୟଜନକ କଥା ହେଉଛି ‘ହବୁଶୁ’ କେବଳ ଏକ ମଦ କିମ୍ବା ପାନୀୟ ନୁହେଁ ବରଂ ଏହାକୁ ଏକ ସ୍ବାସ୍ଥ୍ୟ ଟନିକ ଭାବରେ ବିବେଚନା କରାଯାଏ ।
ଏହି କ୍ଲିପ ଇନଷ୍ଟାଗ୍ରାମ ହ୍ୟାଣ୍ଡେଲ @ ଟ୍ରାଭେଲରେ ପୋଷ୍ଟ କରାଯାଇଛି। ଯାହାର କ୍ୟାପଶନରେ ଲେଖାଯାଇଛି, ଆପଣ ଏହି ଜାପାନୀ ସ୍ନେକ ହ୍ବିସ୍କି ନେବାକୁ ଚାହୁଁଛନ୍ତି କି?