ଦେଶ ଏବଂ ବିଶ୍ୱରେ ଅନେକ କମ୍ପାନୀ ଅଛି। ଯାହା ପ୍ରତିବର୍ଷ ଏହାର କର୍ମଚାରୀମାନଙ୍କୁ ବୋନସ ଦେଇଥାଏ। କିଛି କମ୍ପାନୀ ବୋନସ ଭାବରେ କିଛି ଜିନିଷ ଦିଅନ୍ତି। ଏହି ସମୟରେ ଏଭଳି ଏକ ଘଟଣା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଯେଉଁଠାରେ ବୋନସ ଭାବରେ, କମ୍ପାନୀ ଏକ ଭିନ୍ନ ପ୍ରକାରର ଖେଳ ରଖିଥିଲା, ଯେଉଁଥିରେ ବହୁତ ନଗଦ ଟଙ୍କା ଥିଲା । ଏହି ସମୟରେ ଜଣେ କର୍ମଚାରୀ ଲକ୍ଷ ଲକ୍ଷ ଟଙ୍କା ଜିତିଥିଲେ ।
ଚାଇନାର ଖବରକାଗଜ ସାଉଥ ଚାଇନା ମର୍ନିଂ ପୋଷ୍ଟର ରିପୋର୍ଟ ଅନୁଯାୟୀ, ଏକ କମ୍ପାନୀ ଏହାର କର୍ମଚାରୀମାନଙ୍କୁ ବାର୍ଷିକ ବୋନସ ଦେବା ପାଇଁ ଏକ ଭିନ୍ନ ପ୍ରକାରର ଖେଳ ରଖିଥିଲା। ଯେଉଁଥିରେ ୫୦୦ଲୋକ ଅଂଶଗ୍ରହଣ କରିଥିଲେ। ଏହି ଖେଳ ଚାଇନାର ହେନାନ ପ୍ରଦେଶର କୁଆଙ୍ଗଶାନ କ୍ରେନ କମ୍ପାନୀ ଦ୍ୱାରା ଆୟୋଜିତ ହୋଇଥିଲା। ଯେଉଁଥିରେ କମ୍ପାନୀ ଏକ ଟେବୁଲ ଉପରେ ୧୦୦ୟୁଆନ ନୋଟର ବଣ୍ଡଲ ରଖିଥିଲା, ଏବଂ କର୍ମଚାରୀମାନଙ୍କୁ କହିଥିଲା ଯେ, ଯିଏ ଯେତେ ନଗଦ ଟଙ୍କା ନେଉଛ ନେଇଯାଓ, ହେଲେ ଯଦି ଆପଣ ସଠିକ ପରିମାଣର ଟଙ୍କା ଗଣନା କରି କୁହନ୍ତି, ତେବେ ଆପଣଙ୍କୁ ଟଙ୍କା ଦିଆଯିବ । ଯଦି କୌଣସି କର୍ମଚାରୀ ଭୁଲ ଗଣନା କରନ୍ତି, ତା’ହେଲେ ତାଙ୍କ ଆକାଉଣ୍ଟରୁ ହଜାରେ ୟୁଆନ କଟାଯିବ। ଏହି ଖେଳରେ ଜଣେ କର୍ମଚାରୀଙ୍କ ସର୍ବାଧିକ ୧୧,୨୭,୮୩୭ ଟଙ୍କା ବୋନସ ଭାବେ ପାଇଥିଲେ।