କିମ୍ବଦନ୍ତୀ କ୍ରିକେଟର ବ୍ରାଏନ ଚାଲର୍ସ ଲାରା କ୍ରିକେଟ ପଡ଼ିଆରେ ଅନେକ ରେକର୍ଡ ସୃଷ୍ଟି କରିଥିଲେ। ରେକର୍ଡ କରିବା ସହିତ ସେ ଅନେକ ମହାନ କ୍ରିକେଟରଙ୍କ ରେକର୍ଡ ମଧ୍ୟ ଭାଙ୍ଗିଥିଲେ। ଜୁନ ୬ ଲାରା ପାଇଁ ଏକ ବିଶେଷ ଦିନ। ୧୯୯୪ରେ ଏହି ଦିନ, ଲାରା ତାଙ୍କ ନାମରେ ଏକ ରେକର୍ଡ ସୃଷ୍ଟି କରିଥିଲେ ଯାହା ଆଜିବି ଅତୁଟ ରହିଛି।
ଯଦି ଟେଷ୍ଟ କ୍ରିକେଟ କିମ୍ବା ପ୍ରଥମ ଶ୍ରେଣୀ କ୍ରିକେଟରେ ସର୍ବାଧିକ ବ୍ୟକ୍ତିଗତ ସ୍କୋର ବିଷୟରେ କୁହାଯାଏ, ତେବେ ବ୍ରାଏନ ଲାରାଙ୍କ ନାମ ପ୍ରଥମେ ଆସେ । ଏହି ବାମହାତୀ ବ୍ୟାଟ୍ସମ୍ୟାନ ୬ ଜୁନ ୧୯୯୪ରେ କାଉଣ୍ଟି କ୍ରିକେଟରେ ୫୦୧ ରନ୍ର ଅପରାଜିତ ଇନିଂସ ଖେଳିଥିଲେ। ବର୍ମିଂହାମ ଗ୍ରାଉଣ୍ଡରେ ଇଂରାଜୀ କାଉଣ୍ଟି ଦଳ ୟର୍କସାୟାର ପାଇଁ ୫୦୧ ରନର ଅପରାଜିତ ଇନିଂସ ଖେଳି ଲାରା ଇତିହାସ ସୃଷ୍ଟି କରିଥିଲେ। ସେ ଡରହମ (ଡୁରୁମ କାଉଣ୍ଟି କ୍ରିକେଟ କ୍ଲବ) ବିପକ୍ଷରେ ଏହି ଇନିଂସ ଖେଳିଥିଲେ। ଡରହମ ଏବଂ ୟର୍କସାୟାର ମଧ୍ୟରେ ଏହି କାଉଣ୍ଟି ମ୍ୟାଚ ଡ୍ର ରହିଥିଲା।
୫୦୧ ରନ୍ର ଅପରାଜିତ ଇନିଂସ ଜରିଆରେ ଲାରା ଅନେକ କିମ୍ବଦନ୍ତୀଙ୍କୁ ପଛରେ ପକାଇଥିଲେ। ପ୍ରଥମ ଶ୍ରେଣୀରେ ସର୍ବାଧିକ ରନ କରିଥିବା ଗ୍ରାମ ହିକ (୪୦୫ ନଟ୍ଆଉଟ୍), ଆର୍ଚି ମ୍ୟାକଲରେନ (୪୨୪ ରନ), ଆଫତାବ ବାଲୋଚ (୪୨୮ ରନ), ବିଲ ପନ୍ସଫୋର୍ଡ (୪୨୯ ରନ), ବିଲ ପନ୍ସଫୋର୍ଡ (୪୩୭ ରନ), ବିବି ନିମ୍ବଲକର (୪୪୩ ରନ) । ସାର୍ ଡନ ବ୍ରାଡମ୍ୟାନ (୪୫୨ ନଟ୍ଆଉଟ୍) ଏବଂ ହନିଫ ମହମ୍ମଦ (୪୯୯ ରନ)ଙ୍କୁ ଲାରା ପଛରେ ପକାଥିଲେ॥