ଗ୍ବାଲିୟର,୧୯ା୧୧: ମଧ୍ୟପ୍ରଦେଶର ଗ୍ବାଲିୟର ସହରରେ ଏକ ଅଭାବନୀୟ ଘଟଣା ଘଟିଛି। ସୋମବାର ସ୍ପଷ୍ଟ ଦିବାଲୋକରେ ପେଟ୍ରୋଲ ପମ୍ପ୍ ସମ୍ମୁଖରେ ଛିଡ଼ା ହୋଇଥିବା ଜଣେ ଛାତ୍ରୀଙ୍କୁ ୨ଜଣ ଯୁବକ ଜୋରଜବରଦସ୍ତ ଟେକି ନେଇଥିବା ଜଣାପଡିଛି। ଏହି ସବୁ ଦୃଶ୍ୟ ପେଟ୍ରୋଲ ପମ୍ପରେ ଲାଗିଥିବା ସିସି ଟିଭି କ୍ୟାମେରାରେ କଏଦ ହୋଇଛି।
ଜଣେ ଅପହରଣକାରୀ ହେଲ୍ମେଟ ପିନ୍ଧିଥିବା ବେଳେ ଅନ୍ୟ ଜଣେ ମୁହଁରେ କପଡ଼ାରେ ବାନ୍ଧିଛନ୍ତି। ଅପହୃତ ୧୯ ବର୍ଷୀୟା ଯୁବତୀ ଜଣକ ବିଏ ଛାତ୍ରୀ। ତାଙ୍କ ଘର ମଧ୍ୟପ୍ରଦେଶର ଭିନ୍ଦ୍ ଜିଲାରେ ବୋଲି ଜଣାପଡିଛି। ସେ ବସ୍ରୁ ଓହ୍ଲାଇ ପେଟ୍ରୋଲ ପମ୍ପ୍ରେ ତାଙ୍କ ଭାଇଙ୍କୁ ଅପେକ୍ଷା କରିଥିଲେ। ସେତିକିବେଳେ ଛାତ୍ରୀଙ୍କୁ ଅପହରଣ କରାଯାଇଛି।