![](https://www.dharitri.com/wp-content/uploads/2024/06/WhatsApp-Image-2024-06-20-at-7.39.39-PM.jpeg)
ନୂଆଦିଲ୍ଲୀ,୨୦।୬: ଦେଶରେ ଡାକ୍ତରୀ ଇଞ୍ଜିନିୟରିଂ ଓ ଫେଲୋଶିଫ ଭଳି ସମ୍ମାନଜନକ ପାଠ୍ୟକ୍ରମଗୁଡିକରେ ନାମ ଲେଖାଇବା ପାଇଁ ପ୍ରବେଶିକା ଏନଇଇଟି ପରୀକ୍ଷାରେ ସୃଷ୍ଟି ହୋଇଥିବା ବିଭ୍ରାଟ ପ୍ରସଙ୍ଗରେ ମୁହଁ ଖୋଲିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଗୁରୁବାର ସାମ୍ବାଦିକ ସମ୍ମିଳନୀରେ ସେ କହିଛନ୍ତି, “… ମୁଁ ସମସ୍ତଙ୍କୁ ନିଶ୍ଚିତ କରିବାକୁ ଚାହୁଁଛି ଯେ ଛାତ୍ରଛାତ୍ରୀଙ୍କ ସ୍ୱାର୍ଥ ରକ୍ଷା ପାଇଁ ସରକାର ପ୍ରତିଶ୍ରୁତିବଦ୍ଧ।”
”ଆମେ ପରୀକ୍ଷାର ସ୍ୱଚ୍ଛତା ଉପରେ ଆପୋଷ ବୁଝାମଣା କରିବୁ ନାହିଁ। ଏନଇଇଟି ପରୀକ୍ଷା ପରିପ୍ରେକ୍ଷୀରେ ଆମେ ବିହାର ସରକାରଙ୍କ ସହ ଯୋଗାଯୋଗରେ ଅଛୁ। ଆମକୁ କିଛି ସୂଚନା ମିଳିଛି ଏବଂ ପୋଲିସ ସେମାନଙ୍କର ବିସ୍ତୃତ ରିପୋର୍ଟ ଦାଖଲ କରିବ। ସରକାର ଏକ ଉଚ୍ଚ ସ୍ତରୀୟ କମିଟି ଗଠନ କରିବାକୁ ଯାଉଛନ୍ତି। ସେହି ଉଚ୍ଚ ସ୍ତରୀୟ କମିଟିରୁ NTA, ଏହାର ଗଠନ, କାର୍ଯ୍ୟକାରିତା, ପରୀକ୍ଷା ପ୍ରକ୍ରିୟା, ସ୍ୱଚ୍ଛତା ଏବଂ ତଥ୍ୟ ସୁରକ୍ଷା ପ୍ରୋଟୋକଲକୁ ଅଧିକ ସୁଦୃଢ କରିବ।