ଭଞ୍ଜନଗର,୪।୩(ଡି.ଏନ.ଏ): ଓଡ଼ିଶା ଡ଼୍ରାଇଭର ମହାସଂଘ ଆସନ୍ତା ୧୫ ତାରିଖରେ ୯ ଦଫା ଦାବି ନେଇ ରାଜ୍ୟବ୍ୟାପୀ ଧର୍ମଘଟ କରିବା ସହ ଅଖଚକ ବନ୍ଦ କରିବାକୁ ଚେତାବନୀ ଦେଇଛି । ଏନେଇ ଭଞ୍ଜନଗର ଶାଖା ପକ୍ଷରୁ ଶୁକ୍ରବାର ସହରରେ ଏକ ଶୋଭାଯାତ୍ରା କରାଯିବା ପରେ ଉପଜିଲାପାଳଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଥିଲା । ୧୫ ତାରିଖ ପୂର୍ବରୁ ସରକାର ଯଦି ଦାବି ପୂରଣ କରନ୍ତି ତେବେ ଆନ୍ଦୋଳନ ପ୍ରତ୍ୟାହାର କରିନିଆଯିବ ବୋଲି ଜଣେ କର୍ମକର୍ତ୍ତା ସୂଚନା ଦେଇଛନ୍ତି । ଦାବିଗୁଡ଼ିକ ହେଲା ଦୁର୍ଘଟଣାରେ ପ୍ରାଣ ହରାଉଥିବା ଡ଼୍ରାଇଭରମାନଙ୍କୁ ୨୦ ଲକ୍ଷ ଟଙ୍କା ବୀମା ରାଶି ପ୍ରଦାନ, ଅକର୍ମଣ୍ୟଙ୍କୁ ୧୦ଲକ୍ଷ ଟଙ୍କା ବୀମା ରାଶି ସହାୟତା ଏବଂ ୫ଲକ୍ଷ ଟଙ୍କାର ଚିକିସତ୍ା ବୀମା, ୫୫ବର୍ଷ ପରେ ପେନସନ୍, ଜନସାଧାରଣଙ୍କ ଅକ୍ରୋଶର ଶିକାର ହେଉଥିବା ଡ଼୍ରାଇଭରମାନଙ୍କ ସୁରକ୍ଷା ପାଇଁ ସ୍ବତନ୍ତ୍ର ଆଇନ, ରାସ୍ତା ଉପରେ ଯାନବାହାନ ଯାଞ୍ଚ ବାହାନରେ ଡ଼୍ରାଇଭରମାନଙ୍କୁ ହଇରାଣ କରାନଯାଉ, ଆବାସ ଯୋଜନାରେ ୫ଲକ୍ଷ ଟଙ୍କା ପ୍ରଦାନ, ଡ଼୍ରାଇଭରମାନଙ୍କ ଛୁଆମାନଙ୍କ ଉଚ୍ଚଶିକ୍ଷା ପାଇଁ ବ୍ୟବସ୍ଥା, ଲାଇସେନ୍ସ ଅର୍ଥ ୧୫ ହଜାରରୁ କମ୍ କରାଯାଉ, ଡ୍ରାଇଭରମାନଙ୍କ ପାଇଁ ଶୌଚାଳୟ ଏବଂ ବିଶ୍ରାମସ୍ଥଳ ନିର୍ମାଣ କରିବା ଆଦି ଦାବି କରାଯାଇଛି।
