ଜୁନାଗଡ଼,୧୮।୨(ଅଂଶୁମାନ ଯୋଷୀ): କଳାହାଣ୍ଡିରେ ପୁଣି ଜନନୀ ଯନ୍ତ୍ରଣା ଦେଖିବାକୁ ମିଳିଛି। ତାହାପୁଣି ଜିଲାର ଜୁନାଗଡ଼ ବ୍ଲକରେ। ବ୍ଲକର ଦାସିଗଁା ପଞ୍ଚାୟତ କିଞ୍ଜିକନା ଗ୍ରାମକୁ ଯିବା ପାଇଁ ଭଳ ରାସ୍ତାଟିଏ ନାହଁି। ଏଭଳି ସ୍ଥିତିରେ ରବିବାର ଗ୍ରାମର ରାଇମତି ମାଝୀ(୨୭)ଙ୍କ ପ୍ରସବ ବେଦନା ହୋଇଥିଲା। ପରିବାର ଲୋକେ ୧୦୮ ଆମ୍ବୁଲାନ୍ସକୁ ଫୋନ୍ କରି ଜଣାଇଥିଲେ। ଆମ୍ବୁଲାନ୍ସ ରାସ୍ତା ଖରାପ ଯୋଗୁ ଗଁାକୁ ଆସି ନ ପାରି ଅଧା ବାଟରେ ଅଟକି ରହିଥିଲା।
ଫଳରେ ଗାଁରୁ ପ୍ରାୟ ୨କି.ମି ଗର୍ଭବତୀଙ୍କୁ ଖଟିଆରେ ବୋହି ଆମ୍ବୁଲାନ୍ସ କର୍ମଚାରୀଙ୍କ ସହାୟତାରେ ଅଣାଯାଉଥିଲା। ହେଲେ ବାଟରେ ରାଇମତି କନ୍ୟା ସନ୍ତାନଙ୍କୁ ଜନ୍ମ ଦେଇଥିଲେ। ସେତିକିବେଳେ ଆଶା କର୍ମୀ ଉମା ବାଗ ଉପସ୍ଥିତ ଥିଲେ। ପରେ ମା’ ଓ ଶିଶୁଙ୍କୁ ସ୍ଥାନୀୟ ଚିଲଗୁଡ଼ା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଅଣାଯାଇଥିଲା। ମା’ ଓ ଝିଅଙ୍କ ସ୍ବାସ୍ଥ୍ୟ ପରୀକ୍ଷା ପରେ ସେମାନେ ସୁସ୍ଥ ଥିବାରୁ ଘରକୁ ଫେରି ଯାଇଥିବା ଜଣାପଡିଛି।
ଅନ୍ୟପକ୍ଷେ ୧୦୮ ଆମ୍ବୁଲାନ୍ସ କର୍ମଚାରୀ ଶୁଭେନ୍ଦୁ ମେହେର, ବେଣୁଧର ବାଗ ଓ ପ୍ରସନ୍ନ ମାଝୀ ପ୍ରମୁଖ ମାନବିକତା ଦେଖାଇଥିଲେ। ଗର୍ଭବତୀଙ୍କୁ ଖଟିଆରେ ବୋହି ଆମ୍ବୁଲାନ୍ସ ପର୍ଯ୍ୟନ୍ତ ଆଣିବା କାର୍ଯ୍ୟକୁ ସାଧାରଣରେ ପ୍ରଶଂସା କରାଯାଇଛି।