ବିବାହ ସମସ୍ତଙ୍କ ଜୀବନରେ ଏକ ବିଶେଷ ମୁହୂର୍ତ୍ତ। ଏହି ଦିନ ଉଭୟ ବର ଏବଂ କନ୍ୟା ସମ୍ପୂର୍ଣ୍ଣ ଉପଭୋଗ କରିବାକୁ ଚେଷ୍ଟା କରନ୍ତି, କାରଣ ବିବାହ ଜୀବନରେ କେବଳ ଥରେ ଆସିଥାଏ। ନିକଟରେ ଏକ ବିବାହର ମଜାଦାର ଭିଡିଓ ଭାଇରାଲ ହୋଇଛି। ଭିଡିଓରେ ବର ନାଚୁଥିବାବେଳେ କନ୍ୟା ତାଙ୍କୁ ଦେଖି ଚପଲ କାଢି ନାଚିଛନ୍ତି। ଏବେ ଏହି ଭିଡିଓ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି। ପ୍ରଥମେ ସମୁଦ୍ର କୂଳରେ ବାଜା ଏବଂ ଗୀତ ବାଜିବା କ୍ଷଣି ବର ନିଆରା ଢଙ୍ଗରେ ନାଚିବାକୁ ଲାଗନ୍ତି। ସେ କନ୍ୟାଙ୍କୁ ମଧ୍ୟ ନାଚିବାକୁ ଇସାରା କରନ୍ତି। କିଛି ସମୟ ଏହା ଦେଖିବା ପରେ କନ୍ୟା ନିଜ ପାଦରୁ ଚପଲ କାଢି ବରଙ୍କ ସହ ତାଳ ଦେଇ ନାଚିବାକୁ ଲାଗନ୍ତି। ଏହି ଦୁଇଜଣଙ୍କ ନୃତ୍ୟ ଦେଖି ସମ୍ପର୍କୀୟମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଆନ୍ତି।
ଏହି ଡ୍ୟାନ୍ସ ଭିଡିଓ ଇନଷ୍ଟାଗ୍ରାମରେ ୱେଡିଂ ଫିଭର ନାମକ ଏକ ଆକାଉଣ୍ଟରେ ଶେୟାର କରାଯାଇଛି। ଭିଡିଓ ଶେୟାର କରି ଏହାର କ୍ୟାପସନରେ ଲେଖାଯାଇଛି, ଯେତେବେଳେ ତୁମେ ତୁମର ସର୍ବୋତ୍ତମ ବନ୍ଧୁଙ୍କୁ ବିବାହ କର, ଉତ୍ସାହ ଏପରି ଥାଏ। ଲୋକମାନେ ଭିଡିଓ ଦେଖିବା ପରେ ବିଭିନ୍ନ ପ୍ରକାରର ପ୍ରତିକ୍ରିୟା ଦେଉଛନ୍ତି।