ଜୁଲାଇ ୯, ଏହି ତାରିଖକୁ କୌଣସି ଭାରତୀୟ କ୍ରିକେଟ ପ୍ରଶଂସକ ଭୁଲିପାରିବେ ନାହିଁ। ଆଜିକୁ ଠିକ ଗୋଟିଏ ବର୍ଷ ପୂର୍ବେ ବିଶ୍ୱକପ ୨୦୧୯ରେ ଭାରତୀୟ କ୍ରିକେଟ ଦଳ ସେମିଫାଇନାଲ ଖେଳିଥିଲା। ସେମିଫାଇନାଲରେ ନ୍ୟୁଜିଲାଣ୍ଡକୁ ଭେଟିଥିଲା ଭାରତ। ମ୍ୟାଚର ଫଳାଫଳ ୧୦ ଜୁଲାଇରେ ଆସିଥିଲା କିନ୍ତୁ ଏହା ୯ ଜୁଲାଇରୁ ଆରମ୍ଭ ହୋଇଥିଲା। ବର୍ଷା ହେତୁ ଦ୍ୱିତୀୟ ଦିନରେ ଭାରତ ଇନିଂସ ଖେଳିଥିଲା। ଟିମ ଇଣ୍ଡିଆ ଏହି ମ୍ୟାଚକୁ ୧୮ ରନରେ ହାରିଥିଲା। ସ୍କୋର ବୋର୍ଡରେ ନ୍ୟୁଜିଲାଣ୍ଡର ଦଳ ମାତ୍ର ୨୩୯ ରନ ସ୍କୋର କରିଥିଲା। କିନ୍ତୁ ବିରାଟ କୋହଲି, ରୋହିତ ଶର୍ମା, ଏମଏସ ଧୋନୀ, କେ.ଏଲ ରାହୁଲଙ୍କ ପରି ଭେଟେରାନଙ୍କ ସହ ସଜ୍ଜିତ ଦଳ ଭାରତ ଏତେ ଛୋଟ ଲକ୍ଷ୍ୟ ହାସଲ କରିପାରି ନ ଥିଲା ଏବଂ ଏହି ମ୍ୟାଚ୍ ହାରି ବିଶ୍ୱକପରୁ ବିଦାୟ ନେଇଥିଲା। ମ୍ୟାଚ୍ ପରେ ଧୋନୀ, ବିରାଟ କୋହଲି, ଏବଂ ରୋହିତ ଶର୍ମାଙ୍କ ସହ ଅନ୍ୟ ଖେଳାଳିଙ୍କ ଆଖିରେ ଲୁହ ଥିଲା ।କେବଳ ଖେଲାଳି ନୁହେଁ, ପ୍ରଶଂସକଙ୍କ ହୃଦୟ ମଧ୍ୟ ଭାଙ୍ଗିଯାଇଥିଲା।
