ନିଶ୍ଚିନ୍ତକୋଇଲି,୨୪।୯(ସ୍ବ.ପ୍ର.): କଟକ ଜିଲା ନିଶ୍ଚିନ୍ତକୋଇଲି ଥାନା ଅଧୀନ ନିଶ୍ଚିନ୍ତ କୋଇଲି ବଜାରରେ ଶନିବାର ଏକ ଦୁର୍ଘଟଣା ଘଟିଛି। ଦୁଇଟି ସାର ବୋଝେଇ ଟ୍ରକ୍ ବଜାର ଉପରେ ଥିବା ୫ଟି ବଡ଼ ଦୋକାନ ଉପରେ ମାଡିଯାଇଛି। ତେବେ ଦୋକାନରେ ଥିବା ୧୪ଜଣ କର୍ମଚାରୀ ଅଳ୍ପକେ ବଞ୍ଚିଯାଇଛନ୍ତି।
ସୂଚନାଯୋଗ୍ୟ, କଟକରୁ କେନ୍ଦ୍ରାପଡା ଯାଉଥିବା ବେଳେ ହଠାତ୍ ଟ୍ରକ୍ ଦ୍ୱୟ ଭାରସାମ୍ୟ ହରାଇ ବଜାର ମଧ୍ୟରେ ଥିବା ଦୋକାନ ଉପରେ ମାଡିଯାଇଥିଲା। ଫଳରେ ଦୋକାନଘର ସମ୍ପର୍ଣ୍ଣ ଭାଙ୍ଗିଯାଇଛି। ଖବରପାଇ ନିଶ୍ଚିନ୍ତକୋଇଲି ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛି।