![](https://www.dharitri.com/wp-content/uploads/2024/06/Rahul-Gandhi-PC.jpg)
ନୂଆଦିଲ୍ଲୀ,୪।୬: ଲୋକ ସଭା ନିର୍ବାଚନ ଫଳଫଳ ଆସିବା ପରେ କଂଗ୍ରେସ ନେତା ରାହୁଲ ଗାନ୍ଧୀ ପ୍ରେସ କନଫରେନ୍ସ କରିଛନ୍ତି। ସେ ରାଏବରେଲି ଅବା ଓ୍ବାୟନାଡରେ ସରକାରରେ ରହିବେ କି ବିରୋଧୀରେ ସମସ୍ତ ପ୍ରଶ୍ନର ଉତ୍ତର ଦେଇଛନ୍ତି। ସେ କହିଛନ୍ତି ଜନତା ଭାଜପାକୁ ହିସାବ ଦେଇଛନ୍ତି। ଏହି ନିର୍ବାଚନ କେବଳ ଏକ ରାଜନୈତିକ ଦଳ ବିରୋଧରେ ନ ଥିଲା। ଏକ ଦଳ, ଏକ ଷ୍ଟ୍ରକ୍ଚର, ସିବିଆଇ, ଇଡି ଓ ଜୁଡିସିୟାରୀ ବିରୋଧରେ ଆମେ ଲଢିଛୁ। କାରଣ ଏସବୁ ସଂସ୍ଥାକୁ ମୋଦି ଓ ଅମିତ ଶାହା କ୍ୟାପଚର କରି ରଖିଛନ୍ତି।
ରାହୁଲ ଗାନ୍ଧୀ କହିଛନ୍ତି, ଏହି ସଂଗ୍ରାମ ହେଉଛି ସମ୍ବିଧାନକୁ ବଞ୍ଚାଇବା। ଯେତେବେଳେ ଏହି ଲୋକମାନେ ଆମର ବ୍ୟାଙ୍କ ଆକାଉଣ୍ଟକୁ ବାତିଲ କଲେ। ଯେତେବେଳେ ଅନେକ ମୁଖ୍ୟମନ୍ତ୍ରୀଙ୍କୁ ଜେଲରେ ରଖାଗଲା, ମୁଁ ନିଶ୍ଚିତ ହେଲି ଯେ ଦେଶର ଲୋକମାନେ ସେମାନଙ୍କ ପଦକ୍ଷେପକୁ ସଫଳ ହେବାକୁ ଦେବେ ନାହିଁ। ଜନସାଧାରଣଙ୍କୁ ହୃଦୟରୁ ଧନ୍ୟବାଦ। ସମ୍ବିଧାନକୁ ବଞ୍ଚାଇବା ପାଇଁ ଆପଣ ପ୍ରଥମ ଏବଂ ସବୁଠାରୁ ବଡ ପଦକ୍ଷେପ ନେଇଛନ୍ତି। ଆମେ ସରକାରୀ ଏଜେନ୍ସି ବିରୁଦ୍ଧରେ ଲଢିଥିଲୁ। ଯେଉଁଠାରେ ମିଳିତତା ଗଠନ ହେଲା, ଆମେ ଏକ ପ୍ରକାର ଯୁଦ୍ଧ କରିଥିଲୁ। କଂଗ୍ରେସ ଦେଶକୁ ଏକ ନୂଆ ଦର୍ଶନ ଦେଇଛି। ଆମେ ସେମାନଙ୍କ ଉଦ୍ୟମକୁ ସଫଳ ହେବାକୁ ଦେବୁ ନାହିଁ । ଆମେ ଦେଇଥିବା ପ୍ରତିଜ୍ଞା ପୂରଣ କରିବୁ।
କଂଗ୍ରେସ ନେତା ରାହୁଲ ଗାନ୍ଧୀ କହିଛନ୍ତି ଯେ ଆସନ୍ତାକାଲି ଅର୍ଥାତ୍ ବୁଧବାର ଇଣ୍ଡିଆ ଆଲାଇନ୍ସର ନେତାମାନଙ୍କର ଏକ ବୈଠକ ହେବ। ମିଳିତ ନେତାମାନେ ଯାହା ନିଷ୍ପତ୍ତି ନିଅନ୍ତି ତାହା ଚୂଡ଼ାନ୍ତ ନିଷ୍ପତ୍ତି ହେବ। କେବଳ ଆମର ସହକର୍ମୀ ଏବଂ ସହଯୋଗୀମାନଙ୍କ ସହ କଥାବାର୍ତ୍ତା ହେବା ପରେ ଆମେ ସ୍ଥିର କରିବୁ ସରକାରୀ ଗଠନ ବିଷୟରେ କଣ କରିବା। କଂଗ୍ରେସ ଏକୁଟିଆ ନୁହେଁ। ଆମ ସହିତ ଅନ୍ୟ ଅନେକ ପାର୍ଟି ଅଛି। ତାଙ୍କ ସହ ଏକ ବୈଠକ କରିବେ, କାରଣ ଆଜି ଆମର ଏହାର କୌଣସି ଉତ୍ତର ନାହିଁ, ରାଏବରେଲି କିମ୍ବା ୱାୟନାଡ କେଉଁଠାରୁ ରହିବେ ବୋଲି ରାହୁଲ ଗାନ୍ଧୀ କହିଛନ୍ତି, ସେ ଭାବିବେ ଏବଂ ନିଷ୍ପତ୍ତି ନେବେ। ଉଭୟ ସ୍ଥାନର ଲୋକମାନେ ବହୁତ ଭଲପାଇବା ଦେଇଛନ୍ତି ।