Posted inଖେଳ

ରାଗରେ ଓ୍ବାସିମ୍‌ ଆକ୍ରମଙ୍କୁ ମାରିବା ଲାଗି ବ୍ୟାଟ୍‌ ଧରି ଛିଡ଼ା ହୋଇଥିଲେ ଏହି କ୍ରିକେଟର; ଗୋଡ଼ ଧରି ଭୁଲ ମାଗିବା ପରେ…

ନୂଆଦିଲ୍ଲୀ,୧୩।୨: କ୍ରିକେଟ ଏକ ରୋମାଞ୍ଚକର ଖେଳ। ଏଥିରେ ଜଣେ ବ୍ୟାଟ୍ସମ୍ୟାନ୍‌ ବୋଲର୍‌ଙ୍କୁ ଜବାବ ଦେବାକୁ ସମସ୍ତ ପ୍ରୟାସ କରୁଥିବା ବେଳେ ବୋଲର୍‌ ମଧ୍ୟ ବ୍ୟାଟ୍ସମ୍ୟାନ୍‌ଙ୍କୁ ଆଉଟ୍‌ କରିବା ଲାଗି ସମସ୍ତ ଶୈଳୀ ଆପଣାଇଥାନ୍ତି। ଚାପ ବଢ଼ାଇବା ଲାଗି ବୋଲର୍‌ ବ୍ୟାଟ୍ସମ୍ୟାନ୍‌ଙ୍କୁ କଟୁ କଥା କହିବାକୁ ପଛାଇ ନ ଥାନ୍ତି। ବେଳେବେଳେ ଅପଶବ୍ଦର ବ୍ୟବହାର ମଧ୍ୟ ହୋଇଥାଏ। ଏହାକୁ ସ୍ଲେଜିଂ ମଧ୍ୟ କୁହାଯାଏ। ତେବେ ବ୍ୟାଟ୍ସମ୍ୟାନ୍‌ ମଧ୍ୟ ସ୍ଲେଜିଂ ଆରମ୍ଭ କରିଥାନ୍ତି, ଏହାଦ୍ୱାରା ବୋଲର୍‌ଙ୍କ ଉପରେ ପ୍ରଭାବ ପଡ଼ିଥାଏ। ଏଭଳି ଏକ ଅଭୂଲା ସ୍ଲେଜିଂ ଘଟଣା ବିଷୟରେ ପାକିସ୍ତାନର ପୂର୍ବ ଦ୍ରୁତ ବୋଲର୍‌ ଓ୍ବାସିମ୍‌ ଆକ୍ରମ କହିଥିଲେ।

ଏକଦା ଓ୍ବେଷ୍ଟଇଣ୍ଡିଜର ମହାନ କ୍ରିକେଟର ଭିଭ୍‌ ରିଚାର୍ଡସ୍‌ ଆକ୍ରମଙ୍କୁ ମାରିବା ଲାଗି ଡ୍ରେସିଂ ରୁମ୍‌ ବାହାରେ ବ୍ୟାଟ୍‌ ଧରି ଛିଡ଼ା ହୋଇଥିଲେ। ଘଟଣାଟି ପାକିସ୍ତାନ-ଓ୍ବେଷ୍ଟଇଣ୍ଡିଜ୍‌ ମଧ୍ୟରେ ୧୯୮୮ରେ ଖେଳାଯାଇଥିବା ଟେଷ୍ଟ ମ୍ୟାଚ୍‌ ସମୟର। ମ୍ୟାଚ୍‌ ବେଳେ ସେ ଭିଭ୍‌ଙ୍କୁ ସ୍ଲେଜିଂ କରି ଅନେକ କଥା କହିଥିଲେ। ଆକ୍ରମଙ୍କୁ ଏପରି ନ କରିବାକୁ ଭିଭ୍‌ କହିଥିଲେ। ହେଲେ ସେ ଶୁଣି ନ ଥିଲେ। ପରେ ବେଶ୍‌ ରାଗି ଯାଇଥିଲେ ଭିଭ୍‌।

ଉକ୍ତ ମ୍ୟାଚ୍‌ର ଶେଷ ଓଭରରେ ବୋଲିଂ କରୁଥିଲେ ଆକ୍ରମ। ସେ ଭଲ ବୋଲିଂ କରୁଥିଲେ। ନିଜ ଗତି ବଢ଼ୁଥିବା ନେଇ ଆକ୍ରମଙ୍କୁ ହୃଦବୋଧ ହୋଇଥିଲା। ଅପରପକ୍ଷେ ବ୍ୟାଟିଂ କରୁଥିବା ଭିଭ୍‌ ମଧ୍ୟ ଆକ୍ରମଙ୍କୁ ବଲ୍‌କୁ ଖେଳିପାରୁ ନ ଥିଲେ। ସେଥିରୁ ଗୋଟିଏ ବଲ୍‌ ବାଉନ୍ସର ଥିଲା। ଏଥିରେ ଭିଭ୍‌ଙ୍କ ଟୋପି ଖସି ଯାଇଥିଲା। ଏହା ସେତେବେଳେ ବହୁତ ବଡ଼ କଥା ଥିଲା। ସେତେବେଳ ମ୍ୟାଚ୍‌ ରେଫରି ନ ଥିଲେ। ପରେ ଆକ୍ରମ ଭିଭ୍‌ଙ୍କ ପାଖକୁ ଯାଇ ଖଣ୍ଡି ଇଂରାଜିରେ ସ୍ଲେଜିଂ କରିଥିଲେ। ଭିଭ୍‌ ରାଗରେ ଚାହିଁଥିଲେ ଏବଂ ଥୁ କରିଦେଇଥିଲେ। ଆକ୍ରମ କିଛି ବୁଝିପାରି ନ ଥିଲେ। ସେ ଅଧିନାୟକ ଇମ୍ରାନ୍‌ ଖାନଙ୍କ ପାଖକୁ ଯାଇ ଭିଭ୍‌ କହୁଛନ୍ତି ତାଙ୍କୁ ଅପଶବ୍ଦ କହିଲେ ସେ ତାଙ୍କୁ ପିଟିବେ ବୋଲି କହିଥିଲେ। ଇମ୍‌ରାନ୍‌ କହିଥିଲେ ବାଉନ୍ସର ପକାଅ। ଏଭଳି କରି ସେ ଶେଷକୁ ଉଇକେଟ ନେଇଥିଲେ।

ଖେଳ ଶେଷ ହେବା ପରେ ଇମ୍‌ରାନଙ୍କ ସହ ଆକ୍ରମ ଡ୍ରେସିଂ ରୁମ୍‌ ଯାଇଥିଲେ। ଦୁଇଦଳର ଡ୍ରେସିଂ ରୁମ୍‌ ମୁହାଁମୁହିଁ ଥିଲା। ଆକ୍ରମ ଥକି ଯାଇଥିବା ହେତୁ ବିଶ୍ରାମ କରିବାକୁ ଚାହୁଁଥିଲେ। ହେଲେ ତାଙ୍କୁ ପଛରୁ କେହି ଡ୍ରେସିଂ ରୁମ୍‌ ବାହାରକୁ ଆସିବାକୁ କହିଥିଲେ। ଖାଲି ଦେହରେ ରିଚାର୍ଡସ୍‌ ଛିଡ଼ା ହୋଇଥିବା ସେ ଦେଖିଥିଲେ। ଭୟରେ ଇମରାନଙ୍କ ପଛରେ ଲୁଚିଥିଲେ ଆକ୍ରମ। ପତଳା ହୋଇଥିବା ହେତୁ ତାଙ୍କୁ ନ ଛାଡ଼ିବାକୁ କହିଥିଲେ। ହେଲେ ଇମରାନ୍‌ କହିଥିଲେ ନିଜ କିଳା ନିଜେ ସମ୍ଭାଳ। ଶେଷରେ ସେ ବାହାରକୁ ଯାଇ ତାଙ୍କର ଗୋଡ ଧରି କ୍ଷମା ମାଗିଥିଲେ। ଏହାପରେ ଭିଭ୍‌ ଆଗକୁ ଏଭଳି କଲେ ମାରିଦେବି ବୋଲି କହିଥିଲେ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ମାର୍କ କିଙ୍ଗ୍‌ ୫ ବର୍ଷ ବାସନ୍ଦ

ଶିଫିଲ୍ଡ, ୧୬ା୧୧ (ଏପି): ଇଂଲିଶ ସ୍ନୁକର ଖେଳାଳି ମାର୍କ କିଙ୍ଗ୍‌ଙ୍କୁ ଶୁକ୍ରବାର ୫ ବର୍ଷ ବାସନ୍ଦ କରାଯାଇଛି। ମ୍ୟାଚ ଫିକ୍ସିଂ କରିବା ଓ ଟୁର୍ନାମେଣ୍ଟର ଭିତିରି...

ଆଇପିଏଲ୍‌ ନିଲାମିରେ ୫୭୪ ଖେଳାଳି

ନୂଆଦିଲ୍ଲୀ, ୧୬ା୧୧ (ପି.ଟି.): ଆଗାମି ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌) ୨୦୨୫ ପାଇଁ ଖେଳାଳି ନିଲାମି ନଭେମ୍ବର ୨୪ ଓ ୨୫ରେ ସାଉଦି ଆରବର ଜେଦାହଠାରେ...

ରୋହିତ ଶର୍ମାଙ୍କ ବଡ଼ ରେକର୍ଡ ଭାଙ୍ଗିଦେଲେ ତିଳକ ବର୍ମା

ସେଞ୍ଚୁରିୟନ୍‌,୧୬।୧୧: ତିଳକ ବର୍ମା ଦକ୍ଷିଣ ଆଫ୍ରିକା ବିପକ୍ଷରେ ବିସ୍ଫୋରକ ପ୍ରଦର୍ଶନ କରି କ୍ରମାଗତ ଦ୍ୱିତୀୟ ଶତକ ହାସଲ କରିଛନ୍ତି। ଟି-୨୦ ସିରିଜର ଚତୁର୍ଥ ମ୍ୟାଚ୍‌ରେ ଟିମ...

ଦ୍ଵିତୀୟ ଥର ପାଇଁ ବାପା ହେଲେ ରୋହିତ ଶର୍ମା

ନୂଆଦିଲ୍ଲୀ,୧୬/୧୧: ଖୁସି ଖବର ଦେଲେ ଭାରତୀୟ କ୍ରିକେଟର ରୋହିତ ଶର୍ମା। ସେ ଦ୍ଵିତୀୟ ଥର ପାଇଁ ବାପା ହୋଇଛନ୍ତି। ତାଙ୍କ ସ୍ତ୍ରୀ ରିତିକା ଏକ ପୁତ୍ର...

ପାଞ୍ଚ ମ୍ୟାଚରେ ତିନି ଶତକ ସହିତ ଅନେକ ରେକର୍ଡ ଭାଙ୍ଗିଲେ ସାମସନ୍: ପଛରେ ପଡିଲେ ଧୋନୀ, ପନ୍ତ, ରାହୁଲ ଏବଂ ଇଶାନ୍

ନୂଆଦିଲ୍ଲୀ,୧୪ା୧୧: ଭାରତ ଏବଦଖିଣ ଆଫ୍ରିକା ମଧ୍ୟରେ ଚାଲିଥିବା ଚାରି ମ୍ୟାଚ୍ ବିଶିଷ୍ଟ ଟି୨୦ ଅନ୍ତର୍ଜାତୀୟ ସିରିଜର ଚତୁର୍ଥ ମୁକାବିଲାରେ ଭାରତୀୟ ବ୍ୟାଟରମାନେ ଅନେକ ରେକର୍ଡ ଭାଙ୍ଗିଛନ୍ତି।...

ଖ୍ୟାତନାମା ବକ୍ସର ମାଇକ୍‌ ଟାଇସନ୍‌ କ’ଣ ମୁସଲମାନ? ୫ ହଜାର କୋଟି ରୋଜଗାର କରି ବି ହୋଇଛନ୍ତି ଦେବାଳିଆ, ଏବେ…

ନୂଆଦିଲ୍ଲୀ,୧୫।୧୧: ଦୁନିଆର ସର୍ବଶ୍ରେଷ୍ଠ ବକ୍ସରମାନଙ୍କ ମଧ୍ୟରେ ପରିଗଣିତ ହେଉଥିବା ମାଇକ ଟାଇସନ ୧୯ ବର୍ଷ ପରେ ବୃତ୍ତିଗତ ଭାବେ ପ୍ରତିଦ୍ୱନ୍ଦ୍ୱିତାକୁ ଓହ୍ଲାଇବେ। ନଭେମ୍ବର ୧୬ ରେ...

ବୁମ୍‌ରାଙ୍କ ସହ ୮୦୦୦ ଟଙ୍କାର ବାଜି ଲଗାଇଲେ ପନ୍ତ, ପରେ ଯାହା ଘଟିଲା…

ନୂଆଦିଲ୍ଲୀ,୧୫।୧୧: ବର୍ଡର-ଗାଭାସ୍କର ଟ୍ରଫିରେ ଅଷ୍ଟ୍ରେଲିଆର ମୁକାବିଲା ଲାଗି ଟିମ୍‌ ଇଣ୍ଡିଆ ଖୁବ୍‌ ଝାଳ ବୁହାଉଛି। ନଭେମ୍ବର ୨୨ରେ ଆରମ୍ଭ ହେବାକୁ ଥିବା ପର୍ଥ ଟେଷ୍ଟ ପୂର୍ବରୁ...

IPL ପୂର୍ବରୁ ଏହି ଟିମ୍‌ର ଅଧିନାୟକ ହେଲେ ପନ୍ତ! ୬ ଖେଳାଳିଙ୍କ ଉପରେ ୭୦ କୋଟି ଦାମ୍‌ ଲଗାଇଲା ପଞ୍ଜାବ

ନୂଆଦିଲ୍ଲୀ,୧୫।୧୧: ଆଇପିଏଲ୍‌ ୨୦୨୫ ପୂର୍ବରୁ ମେଗା ଅକ୍ସନର ଆୟୋଜନ ସାଉଦି ଆରବରେ କରାଯିବ। ନଭେମ୍ବର ୨୪ ଏବଂ ୨୫ ତାରିଖ ଏଥିଲାଗି ଚୟନ କରାଯାଇଛି। ଏଥର...

Advertisement
Dharitri Youth Conclave 2024

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri