ଆଳି,୫।୭(ବନମାଳୀ ସେନାପତି): ଜଣେ ମା’ ଅଧରାତିରେ ନିଜ ଦେଢ଼ମାସର ଶିଶୁକନ୍ୟାର ତଣ୍ଟିଚିପି ହତ୍ୟା କରିଛନ୍ତି। ଏନେଇ ଶିଶୁକନ୍ୟାଙ୍କ ଜେଜେମା’ ଅଭିଯୋଗ ଆଣିଛନ୍ତି। ଏଭଳି ଏକ ଘଟଣା ଘଟିଛି କେନ୍ଦ୍ରାପଡ଼ା ଜିଲା ଆଳି ଥାନା ନଦୀନାଳଘେରା ପଦନୀପାଳ ଗଁାରେ। ପଦନୀପାଳ ଗଁାର ବାସନ୍ତୀ ମହାନ୍ତି ଥାନାରେ ଦେଇଥିବା ଅଭିଯୋଗ ଅନୁଯାୟୀ, ପ୍ରତିଦିନ ପରି ସୋମବାର ରାତିରେ ତାଙ୍କ ଦେଢ଼ମାସର ନାତୁଣୀ ତ୍ରିଶାଖା ଓ ୩ ବର୍ଷର ନାତି ଆୟୁଷ ମା’ ରଶ୍ମିତା ପାଖରେ ଶୋଇଥିଲେ। ମଙ୍ଗଳବାର ସକାଳୁ ସମସ୍ତେ ଉଠିବା ପରେ ଦେଖିଥିଲେ, ଶିଶୁକନ୍ୟା ନାକରୁ ରକ୍ତସ୍ରାବ ହେଉଛି। ସଙ୍ଗେ ସଙ୍ଗେ ଶିଶୁକନ୍ୟାକୁ ଧରି ଜେଜେ ମା’ ବାସନ୍ତୀ ଓ ଜେଜେବାପା ରବୀନ୍ଦ୍ର କଣ୍ଡିଆହାଟ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ। ହେଲେ ଡାକ୍ତର ଶିଶୁକନ୍ୟାକୁ ମୃତ ଘୋଷଣା କରିଥିଲେ। ବାସନ୍ତୀଙ୍କ ଅଭିଯୋଗକୁ ଆଧାର କରି ପୋଲିସ ନଂ. ୫୫୮/୨୩ରେ ମାମଲା ରୁଜୁ କରିବା ସହ ରଶ୍ମିତାଙ୍କୁ ଅଟକ ରଖି ତଦନ୍ତ ଚଳାଇଛି। ରଶ୍ମିତାଙ୍କ ସ୍ବାମୀ ଅମିୟ ଦିଲ୍ଲୀରେ ପାଣି ପାଇପ କାମ କରୁଥିବାବେଳେ ଘରକୁ ଛୁଟିରେ ଆସିଥିଲେ। ମଙ୍ଗଳବାର ଅମିୟ ଦିଲ୍ଲୀରେ ପହଞ୍ଚତ୍ ଥିବାବେଳେ ସ୍ତ୍ରୀଙ୍କ ଏଭଳି କାଣ୍ଡରେ ସେ ସମ୍ପୂର୍ଣ୍ଣ ଭାଙ୍ଗି ପଡ଼ି ପୁନର୍ବାର ଘରକୁ ଫେରୁଥିବା ଜଣାପଡ଼ିଛି।
