ମାଲକାନଗିରି,୧୫ା୧୦(ଡି.ଏନ୍.ଏ.): ମାଲକାନଗିରି ଜିଲା ସଦର ମହକୁମା ଆଦର୍ଶ ଥାନା ପୋଲିସ ଏକ ହୋଟେଲରୁ ଗଞ୍ଜେଇ ଜବତ କରିବା ସହ ଏଥିରେ ସମ୍ପୃକ୍ତ ଜଣଙ୍କୁ ଗିରଫ କରିଛନ୍ତି। ସୂଚନାନୁଯାୟୀ, କୌଣସି ସୁତ୍ରରୁ ଖବର ପାଇ ଏସ୍.ଆଇ ପ୍ରଭାତ ଗୌଡ଼ ଓ ଅନ୍ୟ ପୋଲିସମାନେ ମାଲକାନଗିରି ସଦରମହକୁମା ହୋଟେଲ ମାହେଶ୍ୱରୀ ଇନ୍କୁ ଯାଇଥିଲେ। ସେଠାରେ ରୁମ୍ ନଂ. ୨୦୬ରେ ଏମ୍.ଭି. ୨୬ ଗ୍ରାମର ରାହୁଲ ଚକ୍ରବର୍ତ୍ତୀଙ୍କୁ ଗିରଫ କରିବା ସହ ତାଙ୍କ ନିକଟରେ ଥିବା ମୋଟ୍ ୨୦ କେଜି ୬୦୦ଗ୍ରାମ୍ ଗଞ୍ଜେଇ ଜବତ କରିଥିଲେ। ଶନିବାର ମାଲକାନଗିରି ଥାନା କେସ୍ ନଂ. ୬୧୪/୨୨ ଅନୁଯାୟୀ କୋର୍ଟ ଚାଲାଣ କରାଯାଇଛି।