ଭୁବନେଶ୍ୱର,୨୮।୮ (ସୂର୍ଯ୍ୟକାନ୍ତ ବେହେରା) ଘରେ ଭିତରେ ବଳପୂର୍ବକ ପଶି ନାବାଳିକାଙ୍କୁ ଅସଦାଚରଣ କରିବା ଅଭିଯୋଗରେ ଖଣ୍ଡଗିରି ଥାନା ପୋଲିସ ଜଣେ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି । ସେ ହେଲେ କଟକ ଜିଲାର ଜୟରାମ ବେହେରା (୪୩) । ଜାମିନ ନାମଞ୍ଜୁର ହେବାରୁ ତାଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି ।
ସୂଚନାନୁସାରେ ଅଭିଯୁକ୍ତ ଜଣକ ମନ୍ଦ ଉଦ୍ଦେଶ୍ୟ ରଖି ପୂର୍ବରୁ ଅନେକ ଥର ଉକ୍ତ ନାବାଳିକାଙ୍କ ପିଛା କରିଆସୁଥିଲେ । ହେଲେ ଶନିବାର ସକାଳେ ନାବାଳିକାଙ୍କ ଘରେ ଅଭିଯୁକ୍ତ ଅନଧିକାର ପ୍ରବେଶ କରିବା ସହିତ ତାଙ୍କୁ ଜୋରଜବରଦସ୍ତ ଅସଦାଚରଣ କରିଥିଲେ । ଏନେଇ ନାବାଳିକାଙ୍କ ମା ଜାଣିବା ପରେ ଥାନାରେ ଅଭିଯୋଗ କରିଥିଲେ ।