ପ୍ୟାକେଟ୍ରେ ବିସ୍କୁଟ୍ ସଂଖ୍ୟା କମ୍ ରହିବାରୁ କୋର୍ଟର ଦ୍ୱାରସ୍ଥ ହେଲେ ବ୍ୟକ୍ତି, କ୍ଷତିପୂରଣରେ ମିଳିଲା ଏତିକି ଲକ୍ଷ ଟଙ୍କା
08 ନୂଆଦିଲ୍ଲୀ,୬।୯: ସାଧାରଣତଃ ବିସ୍କୁଟ ପ୍ୟାକେଟ୍ର ଦାମ ୫୦ରୁ ୧୦୦ଟଙ୍କା ମଧ୍ୟରେ ହୋଇଥାଏ। ତେବେ ଖାଇବା ସମୟରେ ଗ୍ରାହକ ସେହି ସୀମିତ ଟଙ୍କା ମଧ୍ୟରେ ଏକ୍ସ୍ରଟା ଅଫର ଦେଖି ବିସ୍କୁଟ କିଣି ନିଅନ୍ତି। ବର୍ତ୍ତମାନ ଏପରି ଏକ ମାମଲା ସାମ୍ନାକୁ ଆସିଛି ଯେଉଁଥିରେ ବିସ୍କୁଟର ପରିମାଣ କମ୍ ରହିବା ଯୋଗୁ ବ୍ୟକ୍ତି ଜଣକ କୋର୍ଟର ଦ୍ୱାରସ୍ଥ ହୋଇଥିଲେ।
୨୦୨୧ରେ, ଚେନ୍ନାଇର ଏମଏମଡିଏର ମାଥୁର ନିବାସୀ ପି ଦିଲିବାବୁ ପଶୁଙ୍କୁ ଖାଇବାକୁ ଦେବା ପାଇଁ ସନଫିଷ୍ଟ ମେରୀ ଲାଇଟ ବିସ୍କୁଟର ଏକ ପ୍ୟାକେଟ କିଣିଥିଲେ। ଯେତେବେଳେ ସେ ପ୍ୟାକେଟ୍ ଖୋଲି ବିସ୍କୁଟ ସଂଖ୍ୟା ଗଣିବାକୁ ଲାଗିଲେ ସେଥିରେ ଗୋଟିଏ ବିସ୍କୁଟ କମ୍ ଥିବା ଜାଣିବାକୁ ପାଇଥିଲେ। ଅର୍ଥାତ୍ ୧୬ଟି ବିସ୍କୁଟ୍ ପରିବର୍ତ୍ତେ ପ୍ୟାକେଟରେ ୧୫ଟି ବିସ୍କୁଟ୍ ଥିଲା।
ଦିଲୀବାବୁ ଏଥିପାଇଁ ସ୍ଥାନୀୟ ଦୋକାନ ନିକଟକୁ ଯାଇ ଅଭିଯୋଗ କରିଥିଲେ। ଏହା ପରେ ସେ ଏହି ଘଟଣା ପାଇଁ ଆଇଟିସିରୁ ସ୍ପଷ୍ଟୀକରଣ ମାଗିଥିଲେ, କିନ୍ତୁ ସେଠାରୁ ତାଙ୍କୁ କୌଣସି ସନ୍ତୋଷଜନକ ଉତ୍ତର ମିଳି ନ ଥିଲା।
ଏହା ପରେ ଦିଲୀବାବୁ ଏକ ପିଟିସନ ଦାଖଲ କରି କମ୍ପାନୀ ଏବଂ ଏହାକୁ ବିକ୍ରୟ କରୁଥିବା ଦୋକାନ ବିରୋଧରେ ଗ୍ରାହକ ଫୋରମରେ ୧୦୦କୋଟି ଟଙ୍କା କ୍ଷତିପୂରଣ ମାଗିବା ସହ ଅନୁଚିତ ବ୍ୟାପର ବ୍ୟବହାର ପାଇଁ ୧୦କୋଟି ଟଙ୍କା ଜରିମାନା ମାଗିଥିଲେ।
ଏନେଇ କୋର୍ଟରେ କମ୍ପାନୀ ଯୁକ୍ତି ରଖିଥିଲା ଯେ, ଉତ୍ପାଦ କେବଳ ଓଜନ ଆଧାରରେ ବିକ୍ରି ହେଉଛି ବିସ୍କୁଟ ସଂଖ୍ୟା ଆଧାରରେ ନୁହେଁ। ତଥାପି କମ୍ପାନୀର ଏପରି ଯୁକ୍ତି ଗ୍ରହଣ କରାଗଲା ନାହିଁ। ଏନେଇ କୋର୍ଟ କମ୍ପାନୀକୁ କହିଥିଲେ ଗ୍ରାହକମାନେ ଓଜନ ଦେଖି ନୁହେଁ ବରଂ ପ୍ୟାକେଟକୁ ଦେଖି ବିସ୍କୁଟ କିଣୁଛନ୍ତି। ତେବେ ବିସ୍କୁଟ ପ୍ୟାକେଟର ବିଜ୍ଞାପନିତ ନେଟ ଓଜନ ୭୬ ଗ୍ରାମ ଥିଲା। ତଥାପି ଆୟୋଗ ଏହାର ଅନୁସନ୍ଧାନ କଲାବେଳେ ସେମାନେ ଜାଣିବାକୁ ପାଇଥିଲେ ପ୍ୟାକେଟ୍ ୭୪ ଗ୍ରାମ ଥିଲା।
ତେବେ, କମ୍ପାନୀର ପରାମର୍ଶଦାତା ଯୁକ୍ତି କରିଛନ୍ତି ଯେ ଲିଗାଲ ମେଟ୍ରୋଲୋଜି ନିୟମ ୨୦୧୧ ଅନୁଯାୟୀ ଯଦି ପ୍ରି-ପ୍ୟାକ ହୋଇଥିବା ଜିନିଷର ଘୋଷିତ ନିଟ ପରିମାଣ ୫୦ ଗ୍ରାମରୁ ୧୦୦ ଗ୍ରାମ ମଧ୍ୟରେ ଥାଏ, ତେବେ ଏହିପରି ଆଇଟମଗୁଡିକରେ ଘୋଷିତ ପରିମାଣ ୪.୫ଶତକଡା ହେବା ଉଚିତ। ଏହିପରି ତ୍ରୁଟିକୁ କ୍ଷମା କରିବାକୁ ଅନୁମତି ଦିଆଯାଇଛି।
କିନ୍ତୁ, ଅଗଷ୍ଟ ୨୯ରେ, ଜିଲା ଉପଭୋକ୍ତା ଫୋରମ ଆଇଟିସି ଲିମିଟେଡର ଫୁଡ ଡିଭିଜନ ଗ୍ରାହକଙ୍କୁ ୧ ଲକ୍ଷ ଟଙ୍କା କ୍ଷତିପୂରଣ ଦେବାକୁ ନିର୍ଦ୍ଦେଶ ଦେଇଥିଲା କାରଣ ବିସ୍କୁଟ ବ୍ରାଣ୍ଡ ସନଫିଷ୍ଟ ମେରି ଲାଇଟ ପ୍ୟାକେଟରେ ଉଲ୍ଲେଖ କରାଯାଇଥିବା ବିସ୍କୁଟ ସଂଖ୍ୟାଠାରୁ କମ ମିଳିଥିଲା। ।