ମାଲକାନଗିରି,୨ା୬(ଡି.ଏନ୍.ଏ.): ମାଲକାନଗିରି ଜିଲା ସତୀଗୁଡ଼ା ଜଳଭଣ୍ଡାରରେ ନିଖୋଜ ୨ ଦୁଇ ଜଣଙ୍କ ମଧ୍ୟରୁ ଶୁକ୍ରବାର ଜଣେ ମହିଳାଙ୍କ ମୃତଦେହ ଉଦ୍ଧାର ହୋଇଛି। ଉକ୍ତ ମହିଳାଙ୍କ ଜଣକ ହେଲେ ତୁଳୁସା ମାଢ଼ି। ନିଖୋଜ ଗୋବିନ୍ଦ ସର୍ଦ୍ଦାରଙ୍କୁ ଉଦ୍ଧାର ଲାଗି ଅଗ୍ନିଶମ କର୍ମଚାରୀମାନେ ଜୋରଦାର ଅପରେଶନ ଜାରି ରଖିଛନ୍ତି।
ପ୍ରକାଶ ଯେ, ତୁଳୁସା ତାଙ୍କ ପୁଅ ନବୀନାଙ୍କ ସହ ଜଳଭଣ୍ଡାରକୁ ଜାଲ ପକାଇବାକୁ ଯାଇଥିବା ବେଳେ ହଠାତ୍ ଜୋରରେ ପବନ ବହିବାରୁ ଡଙ୍ଗାଟି ଭାରସାମ୍ୟ ହରାଇ ବୁଡ଼ିଯାଇଥିଲା। ପୁଅ ନବୀନା ପହଁରି କୂଳକୁ ଆସିଥିବା ବେଳେ ମା’ ତୁଳୁସା ନିଖୋଜ ଥିଲେ। ସେହିପରି ଏମ୍ଭି ୧୧୧ ଗ୍ରାମର ଗୋବିନ୍ଦ ସର୍ଦ୍ଦାର ଜାଲ ଜଳଭଣ୍ଡାରକୁ ଜାଲ ବିଛାଇବାକୁ ଯାଇଥିବା ବେଳେ ପ୍ରବଳ ପବନରେ ଡଙ୍ଗାଟି ବୁଡ଼ିଯାଇଥିଲା। ଫଳରେ ସେ ନିଖୋଜ ଅଛନ୍ତି।