କେନ୍ଦ୍ରାପଡ଼ା ଅଫିସ,୧୧।୧୦: କେନ୍ଦ୍ରାପଡ଼ାର ବଳଦେବଜୀଉଙ୍କ ବ୍ରହ୍ମ ତାଳଧ୍ବଜ ରଥ ଶେଷରେ ଗୋଟିଏ ଦିନ ବିଳମ୍ବରେ ଚକଡ଼ାରେ ପହଞ୍ଚିଥିଲା। ତ୍ରୁଟିପୂର୍ଣ୍ଣ ପରିଚାଳନା ଯୋଗୁଁ ରାସ୍ତା ପାଶର୍ବ ଅସ୍ଥାୟୀ ଦୋକାନ ଉପରକୁ ମାଡିଯାଇ ଥିବାରୁ ରଥ ଟାଣିବାରେ ଗୋଟିଏ ଦିନ ବିଳମ୍ବ ହୋଇଥିଲା । ତେବେ ସୋମବାର ରଥ ଉପରେ ଶ୍ରୀ ଜୀଉମାନଙ୍କ ନୀତିକାନ୍ତି ପରେ ଦିନ ପ୍ରାୟ ୨ଟାରେ ରଥ ଟଣା ଆରମ୍ଭ ହୋଇଥିଲା ।
ଅପରାହ୍ନ ୪ ଟାରେ ରଥ ଚକଡା ଲାଗିଥିଲା। ସୋମବାର ତିନି ଦିଅଁ ରଥରେ ଅବସ୍ଥାନ କରିବେ। ଆସନ୍ତାକାଲି ରଘୁନାଥ ବେଶ ଓ ଅଧର ପଣା ନୀତି ପରେ ମନ୍ଦିର ପ୍ରବେଶ କରିବେ ବୋଲି ସେବାୟତଙ୍କ ପକ୍ଷରୁ ସୂଚନା ପ୍ରଦାନ କରାଯାଇଛି ।