ଆସିକା, ୧୪ା୪ (ସୁରେନ୍ଦ୍ର ନାଥ ସାହୁ): ଆସିକା-ଭଞ୍ଜନଗର ମୁଖ୍ୟ ରାସ୍ତାର ଆସିକା ଥାନା ଅନ୍ତର୍ଗତ ବାଲିସିରା ଛକ ନିକଟରେ ସୋମବାର ଅପରାହ୍ନରେ ଏକ ସ୍କୁଟି ସହ ବାଇକର ମୁହାଁମୁହିଁ ଧକ୍କା ହୋଇଥିଲା। ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ଘଟିଥିଲା ବେଳେ ଅନ୍ୟ ୩ଜଣ ଗୁରୁତର ଆହତ ହୋଇଛନ୍ତି ା ମୃତକ ଜଣକ ବାଇକ୍ ଆରୋହୀ ଗିରିଜା ଶଙ୍କର ମିଶ୍ର (୫୭) ଓ ତାଙ୍କ ଘର ଧରାକୋଟ ଥାନା ଅନ୍ତର୍ଗତ ପୋଡ଼ାପଲ୍ଲୀ ଗ୍ରାମରେ। ସେହିପରି ଆହତଙ୍କ ମଧ୍ୟରେ ବାଇକ୍ ଆରୋହୀ ମୃତକଙ୍କ ପନତ୍ୀ ବର୍ଷାରାଣୀ ମିଶ୍ର (୫୦) ଓ ତାଙ୍କ ଝିଅ ବିଶାଖା ମିଶ୍ର (୧୮) ଏବଂ ସ୍କୁଟି ଆରୋହୀ ଚିନ୍ନୟ ବରାଡ଼ ଅଛନ୍ତି। ଆହତଙ୍କୁ ଆସିକା ସରକାରୀ ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ ଅଧିକ ଚିକିତ୍ସା ପାଇଁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତରିତ କରାଯାଇଛି ା ଗାଙ୍ଗପୁର ଥାନା ଅନ୍ତର୍ଗତ ନାହାଡା ଗ୍ରାମର ଆହତ ଚିନ୍ମୟ ବରାଡ଼ ସ୍କୁଟିରେ ଆସିକାରୁ ଗ୍ରାମକୁ ଫେରୁଥିଲା ବେଳେ ଗିରିଜା ଶଙ୍କର ମିଶ୍ର ନିଜ ପନତ୍ୀ ଓ ଝିଅଙ୍କ ସହ ବାଇକରେ ଭନଗରରୁ ନିଜ ଗ୍ରାମକୁ ଫେରୁଥିଲା ବେଳେ ଏହି ଦୁର୍ଘଟଣା ଘଟିଥିଲା।
