ରାଇରଙ୍ଗପୁର,୧୮ା୧୧(ଡି.ଏନ୍.ଏ.): ମୟୂରଭଞ୍ଜ ଭିଲା ବିଶୋଇ ଥାନା ଅଧୀନ ୪୯ନଂ. ଜାତୀୟ ରାଜପଥର ମହୁଭଣ୍ଡାର ଛକ ନିକଟର ଶୁକ୍ରବାର ଏକ ବୋଲେରୋ ଧକ୍କାରେ ଜଣେ ପଥଚାରୀଙ୍କ ମୃତ୍ୟୁ ହୋଇଛି। ମୃତକ ହେଲେ ବିଶୋଇ ଥାନା ଅଧୀନ ତୋଳାପାତି ଗ୍ରାମର ଶିରିଶ ମହାକୁଡ଼(୪୫)। ଦୁର୍ଘଟଣାରେ ଗୁରୁତର ହୋଇଥିବା ଗୋବର୍ଦ୍ଧନ ଗିରି (୪୨)ଙ୍କୁ ଚିକିତ୍ସା ପାଇଁ ବାରିପଦାସ୍ଥିତ ପିଆର୍ଏମ୍ ମେଡିକାଲରେ ଭର୍ତ୍ତି କରାଯାଇଛି। ଦୁର୍ଘଟଣା ଘଟାଇଥିବା ବୋଲେରୋକୁ ପୋଲିସ ଜବତ କରିବା ସହ ଡ୍ରାଇଭରଙ୍କୁ ଗିରଫ କରିଛି।
ମିଳିଥିବା ସୂଚନା ମୁତାବକ, ଶିରିଶ ଏବଂ ଗୋବର୍ଦ୍ଧନ ରାସ୍ତା ପାର୍ଶ୍ୱରେ ଚାଲିକି ବିଶୋଇ ଆଡ଼କୁ ଯାଉଥିଲେ। ସେତିକିବେଳେ ଦ୍ରୁତ ଗତିରେ ଆସୁଥିବା ଏକ ବୋଲେରୋ ସେମାନଙ୍କୁ ଧକ୍କା ଦେଇଥିଲା। ଫଳରେ ଶିରିଶଙ୍କ ମୃତ୍ୟୁ ଘଟିଥିବା ବେଳେ ଗୋବର୍ଦ୍ଧନଙ୍କ ଗୁରୁତର ଆହତ ହୋଇଛନ୍ତି। ଏନେଇ ପୋଲିସ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି।
