ଡାକ୍ତର କହନ୍ତି ‘ସଣ୍ଡେ ହୋ ୟା ମଣ୍ଡେ ରୋଜ୍ ଖାଓ ଅଣ୍ଡେ’। ତେଣୁ ଅନେକେ ନିଜର ପ୍ରତିଦିନର ଡାଏଟ୍ରେ ଅଣ୍ଡା ସାମିଲ କରିଥାନ୍ତି। ହେଲେଏମିତି ଏକ ଅଣ୍ଡା ଅଛି ଯାହାକୁ ପ୍ରତିଦିନର ଡାଏଟ୍ରେ ସାମିଲ କରିବା ଅସମ୍ଭବ। କାରଣ ଏହାର ଗୋଟିଏ ଅଣ୍ଡାର ମୂଲ୍ୟ ୪୩୦୦୦ ଟଙ୍କା। ଏହି ଅଣ୍ଡାଟି ହେଉଛି ବ୍ରିଟେନ୍ର ଫେଣ୍ଟନ୍ ଫାର୍ମର। ଆଉ ଏହାର ମୂଲ୍ୟ ଏତେ ଅଧିକ ହେବା ପଛର କାରଣ ହେଉଛି ଏହାର ଆକାର। ଅର୍ଥାତ୍ ଏହାର ଆକାର ସାଧାରଣ ଅଣ୍ଡା ଭଳି ନୁହେଁ, ବରଂ ପୂରାପୂରି ଗୋଲ। ଏହି ଅଣ୍ଡାକୁ ଦେଖି ଉକ୍ତ ଫାର୍ମର ଲୋକେ ବି ଚକିତ ହୋଇ ଯାଇଥିଲେ। ଫାର୍ମର ଜଣେ ମହିଳା କର୍ମଚାରୀ କୁହନ୍ତି, ‘ଏତେବର୍ଷ ଫାର୍ମରେ କାମ କରିବା ଭିତରେ ଏଭଳି ଅଣ୍ଡା ମୁଁ କେବେ ଦେଖି ନ ଥିଲି। ତେଣୁ ମତେ ଲାଗିଥିଲା ଏହି ଅଣ୍ଡାକୁ ଯିଏ ବି କିଣିବ ତାକୁ ଖାଇବ ନାହିଁ ସାଇତି ରଖିବ। ତେଣୁ ଏହି ଅଜବ ଅଣ୍ଡାକୁ ନିଲାମ ପାଇଁ ରଖାଗଲା। ଆଉ ଆଶ୍ଚର୍ଯ୍ୟର କଥା ଏହା ୪୩୦୦୦ ଟଙ୍କାରେ ନିଲାମ ହେଲା।’
