ନୟାଗଡ଼ ଅଫିସ,୨୩।୫: ନାୟଗଡ଼ ଜିଲା ରଣପୁର ଥାନା ଝାଡ଼ପଡା କଣ୍ଟେଇକୋଳି ମୁଣ୍ଡିଆ ନିକଟସ୍ଥ ପଞ୍ଚାୟତ ପୋଖରୀ ହୁଡାରେ ମଙ୍ଗଳବାର ହାତୀ ଆକ୍ରମଣରେ ଜଣେ ଆହତ ହୋଇଛନ୍ତି। ସେ ହେଲେ ଅମିନ ବଳିୟାରସିଂହ । ଘର ଝାଡ଼ପଡା ଗାଁରେ। ଅମିନ ଘରଠାରୁ ୪୦୦ ମିଟର ଦୂର ପଞ୍ଚାୟତ ପୋଖରୀରେ ଶୌଚ ହୋଇ ଫେରୁଥିବା ବେଳେ ହାତୀ ହାବୁଡ଼ରେ ପଡିଯାଇଥିଲେ। ସ୍ଥାନୀୟ ଲୋକଙ୍କ ସହାୟତାରେ ପରିବାର ଲୋକେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ରଣପୁର ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ପ୍ରକାଶ ଥାଉକି ଝାଡ଼ପଡା ଅଞ୍ଚଳରେ ପ୍ରତିଦିନ ହାତୀଙ୍କ ଉପଦ୍ରବ ଲାଗି ରହିଛି। ଫଳରେ ଅଞ୍ଚଳବାସୀ ଭୟଭୀତ ଅବସ୍ଥାରେ ରହୁଛନ୍ତି। ହେଲେ ବନବିଭାଗ କୌଣସି ପଦକ୍ଷେପ ନେଉ ନ ଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି।
