କୋଲକାତା,୨୪।୧୨: କୋଲକାତାର ପ୍ୟାରେଡ ଗ୍ରାଉଣ୍ଡରେ ଏକ ଲକ୍ଷ ଲୋକ ଏକତ୍ରିତ ହୋଇ ଗୀତା ପାଠ କରିଛନ୍ତି। ଏହି ଗୀତା ପାଠ କାର୍ଯ୍ୟକ୍ରମ ଅଲ ଇଣ୍ଡିଆ ସଂସ୍କୃତ ପରିଷଦ ଏବଂ ମତିଲାଲ ଭାରତ ତୀର୍ଥ ସେବା ମିଶନ ଦ୍ୱାରା ଆୟୋଜିତ ହୋଇଛି। ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଅଂଶଗ୍ରହଣ କରିବେ ବୋଲି କୁହାଯାଉଥିଲା କିନ୍ତୁ ପ୍ରଧାନମନ୍ତ୍ରୀ ଏହି କାର୍ଯ୍ୟକ୍ରମରେ ଯୋଗ ଦେଇ ନ ଥିଲେ। ଏକ ସ୍ବତନ୍ତ୍ର ବାର୍ତ୍ତା ଦେଇ ପ୍ରଧାନମନ୍ତ୍ରୀ ଏହି କାର୍ଯ୍ୟକ୍ରମକୁ ପ୍ରଶଂସା କରିଛନ୍ତି।
ପ୍ରଧାନମନ୍ତ୍ରୀ ମୋଦି ତାଙ୍କ ବାର୍ତ୍ତାରେ ଲେଖିଛନ୍ତି, କୋଲକାତାର ପ୍ୟାରେଡ ଗ୍ରାଉଣ୍ଡରେ ଆୟୋଜିତ ହେଉଥିବା ‘ଲୋଖୋ କାଣ୍ଟେ ଗୀତା ପାଠ’ କାର୍ଯ୍ୟକ୍ରମ ଅତ୍ୟନ୍ତ ପ୍ରଶଂସନୀୟ। ଏହା ମିଳିତ ଭାବେ ସନାତନ ସଂସ୍କୃତି ସଂସଦ, ମତିଲାଲ ଭାରତ ତୀର୍ଥ ସେବା ମିଶନ ଆଶ୍ରମ ଏବଂ ଅଖିଳ ଭାରତୀୟ ସଂସ୍କୃତ ପରିଷଦ ଦ୍ୱାରା ଆୟୋଜିତ ହେଉଛି। ଆମର ସାଂସ୍କୃତିକ ଐତିହ୍ୟ, ପରମ୍ପରା, ଜ୍ଞାନ, ଦର୍ଶନ-ଆଧ୍ୟାତ୍ମିକ ବୁଦ୍ଧି, ସାଂସ୍କୃତିକ ବିବିଧତା ଏବଂ ସୌହାର୍ଦ୍ଦ୍ୟର ମିଶ୍ରଣ ଅଟେ। ଶ୍ରୀମଦ ଭାଗବତ ଗୀତା ମହାଭାରତ ସମୟରୁ ଆମର ସ୍ବାଧୀନତା ପର୍ଯ୍ୟନ୍ତ ଏବଂ ବର୍ତ୍ତମାନ ପର୍ଯ୍ୟନ୍ତ ଆମ ସମସ୍ତଙ୍କୁ ପ୍ରେରଣା ଯୋଗାଉଛନ୍ତି। ଗୀତା ଆମକୁ ଏକ ଅର୍ଥପୂର୍ଣ୍ଣ ଜୀବନଯାପନ କରିବାର ଦିଗ ଦେଖାଏ ଏବଂ ଆମକୁ ଜୀବନର ଆହ୍ବାନର ମୁକାବିଲା କରିବାକୁ ଶିଖାଏ।
କୋଲକାତାରେ ଆୟୋଜିତ ଏହି କାର୍ଯ୍ୟକ୍ରମରେ ଭାଗ ନେବାକୁ ସାରା ବିଶ୍ୱରୁ ୩୦୦ ରୁ ଅଧିକ ସାଧୁ କୋଲକାତାରେ ପହଞ୍ଚିଛନ୍ତି। ଏହି କାର୍ଯ୍ୟକ୍ରମରେ ଅଂଶଗ୍ରହଣ କରୁଥିବା ଲୋକମାନେ ଅନଲାଇନ ଏବଂ ଅଫଲାଇନରେ ଆବେଦନ କରିଥିଲେ।