ଗାନ୍ଧିନଗର,୧୬।୪: ଗୁଜରାଟର ଜଣେ ବ୍ୟକ୍ତି ଦୁଇଟି ବିବାହ କରିଥିଲେ ସୁଦ୍ଧା ଏକଥା କାହାକୁ ଜଣା ନ ଥିଲା। କାରଣ ସେ ଦିନରେ ଜଣେ ସ୍ତ୍ରୀଙ୍କ ପାଖେ ରହୁଥିବା ବେଳେ ରାତିରେ ଅନ୍ୟ ଜଣଙ୍କ ପାଖେ ରହୁଥିଲେ। ଦ୍ୱିତୀୟ ସ୍ତ୍ରୀଙ୍କୁ ଏହା ଜଣା ନ ଥିଲା। କାରଣ ଦୀର୍ଘ ୯ ବର୍ଷ ତଳେ ସେ ପ୍ରେମ ବିବାହ କରି ଘରୁ ଚାଲି ଆସିଥିଲେ। ଆଉ ଏହାପରେ ସେ ପୁଣି ଥରେ ବିବାହ କରିଥିଲେ। ନିକଟରେ ଦ୍ୱିତୀୟ ପତ୍ନୀ ଏକଥା ଜାଣିପାରି ମହିଳା ହେଲ୍ପ ଲାଇନରେ ଏ ସମ୍ପର୍କରେ ଅଭିଯୋଗ କରିଥିବା ଜଣାପଡିଛି। ଏସମ୍ପର୍କରେ ଆଗରୁ କିପରି ମହିଳା ଜଣକ ଜାଣି ପାରି ନ ଥିଲେ ବୋଲି ପ୍ରଶ୍ନ କରାଯିବାରୁ ସେ କହିଥିଲେ କି ତାଙ୍କ ସ୍ବାମୀ ନାଇଟ୍ ସିଫ୍ଟର ବାହାନା କରି ରାତିରେ ଅନ୍ୟଜଣଙ୍କ ପାଖରେ ରହୁଥିଲେ ତେଣୁ ସେ ଏସମ୍ପର୍କରେ କିଛି ଜାଣିପାରି ନ ଥିଲେ। ସୂଚନାଯୋଗ୍ୟ, ଉକ୍ତ ବ୍ୟକ୍ତିଙ୍କର ପ୍ରଥମ ପତ୍ନୀଙ୍କ ନିକଟରେ ଗୋଟିଏ ଅଢେଇ ବର୍ଷର ପୁଅ ଥିବା ବେଳେ ଦ୍ୱିତୀୟ ପତ୍ନୀଙ୍କ ନିକଟରେ ୫ ବର୍ଷର ପୁଅଟିଏ ରହିଛି।