ନୂଆଦିଲ୍ଲୀ,୧୫ ।୧: ରାଜଧାନୀ ଦିଲ୍ଲୀରେ କରୋନା ସଂକ୍ରମଣ ଭୟଙ୍କର ରୂପ ନେବାରେ ଲାଗିଛି । ଏହି ସମୟରେ ସଂକ୍ରମଣ ତୁଳନାରେ ସୁସ୍ଥତା ହାର ବି ଭଲ ରହିଥିବା ଜଣାପଡିଛି । ନିକଟରେ କରୋନାରେ ସଂକ୍ରମିତ ହୋଇ ଜଣେ ୧ ମାସର ଶିଶୁ ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିଲେ । ଶେଷରେ ଶିଶୁଟି କରୋନାକୁ ହରାଇ ସସ୍ଥ ହୋଇ ଘରକୁ ଫେରିଛନ୍ତି । ତେବେ ଶିଶୁଟି ଡିସଚାର୍ଜ ହେବା ସମୟରେ ଡାକ୍ତରଙ୍କ ଆଖି ଆନନ୍ଦାଶ୍ରୁରେ ଭିଜି ଯାଇଥିଲା । ଜଣେ ସ୍ୱାସ୍ଥ୍ୟକର୍ମୀ ଭିଜା ଭିଜା ଆଖିରେ ଶିଶୁଟିକୁ କୋଳରେ ଧରିଥିବାର ଦୃଶ୍ୟ ଦେଖିବାକୁ ମିଳିଥିଲା । ଯାହା ଉପସ୍ଥିତ ସମସ୍ତ ବ୍ୟକ୍ତିଙ୍କୁ ବି ଭାବୁକ କରି ଦେଇଥିଲା