ଭୁବନେଶ୍ୱର,୨୮।୭(ବ୍ୟୁରୋ): କରୋନା ନେଲା ଆଉ ଏକ ମୁଣ୍ଡ। ଗୁରୁବାର ପୁଣି ଜଣେ କରୋନା ସଂକ୍ରମିତଙ୍କ ମୃତ୍ୟୁ ଘଟିଛି । ମୃତକଜଣଙ୍କ ହେଉଛନ୍ତି କଟକର ୬୭ ବର୍ଷୀୟ ବୃଦ୍ଧ। ଏନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି । ଏହାକୁ ମିଶାଇ ରାଜ୍ୟରେ ମୋଟ କରୋନା ଜନିତ ମୃତ୍ୟୁ ସଂଖ୍ୟା ୯୧୩୭ କୁ ବୃଦ୍ଧି ପାଇଛି ।
ତେବେ ଚଳିତ ମାସରେ ୧୧ ଜଣଙ୍କ ଜୀବନ ନେଲାଣି କରୋନା । ୧୧ ମୃତକଙ୍କ ଭିତରେ ୯ ଜଣ ବରିଷ୍ଠ ନାଗରିକ ଅଛନ୍ତି । ଏପଟେ ରାଜ୍ୟରେ ବଢ଼ୁଥିବା ସଂକ୍ରମଣକୁ ନିୟନ୍ତଣରେ ଆଣିବା ଲାଗି ସ୍ବାସ୍ଥ୍ୟ ବିଭାଗ ହୋଲ ଜେନମ ସିକ୍ୱେନ୍ସିଂ କରିବା ପାଇଁ ନିର୍ଦ୍ଦେଶ ଦେଇଛି। ଏହାବ୍ୟତୀତ ଯେଉଁ ଜିଲାରେ ଟିପିଆର୍ ୫ ପ୍ରତିଶତ ଉପରେ ରହିଛି । ସେଠାରେ ଟେଷ୍ଟିଂ ସଂଖ୍ୟାକୁ ବଢ଼ାଇବା ଲାଗି ନିଷ୍ପତ୍ତି ନେଇଛି ।
