ନୂଆଦିଲ୍ଲୀ,୯।୧ : ୱାନ ର଼୍ୟାଙ୍କ ୱାନ ପେନସନ (ଓଆରଓପି) ନୀତି ଅନୁଯାୟୀ ପେନସନ ପ୍ରଦାନ ସମ୍ପର୍କରେ ଭାରତୀୟ ପୂର୍ବତନ ସୈନ୍ୟଙ୍କ ଦ୍ୱାରା ଦାଖଲ କରାଯାଇଥିବା ଏକ ଆବେଦନ ଉପରେ ସୁପ୍ରିମକୋର୍ଟ କେନ୍ଦ୍ରକୁ କହିଛନ୍ତି ଯେ ୱାନ ର଼୍ୟାଙ୍କ ୱାନ ପେନସନର ସମସ୍ତ ବକେୟା ଦେୟ ଶୀଘ୍ର ପ୍ରଦାନ କରାଯାଉ। ମାର୍ଚ୍ଚ ୧୫ ସୁଦ୍ଧା ଦେୟ ପ୍ରଦାନ କରାଯିବା ଉଚିତ ବୋଲି ସୁପ୍ରିମକୋର୍ଟ କହିଛନ୍ତି।
ୱାନ ର଼୍ୟାଙ୍କ ୱାନ ପେନସନ ସଶସ୍ତ୍ର ବାହିନୀର ସେହି କର୍ମଚାରୀମାନଙ୍କୁ ଦିଆଯାଏ ଯେଉଁମାନେ ସମାନ ଅବଧି ସେବା ସହିତ ସମାନ ପଦବୀରେ ଅବସର ଗ୍ରହଣ କରିଥାନ୍ତି । ତାଙ୍କ ଅବସର ତାରିଖ ନିର୍ବିଶେଷରେ ଏହା ବିଚାର କରାଯାଇଥାଏ। ଏନେଇ ଏଜି ଆର ଭେଙ୍କଟାରମଣି କହିଛନ୍ତି ଯେ ମୁଁ ବ୍ୟକ୍ତିଗତ ଭାବେ ଏହି ବିଷୟ ଉପରେ ନଜର ରଖିଛି ଏବଂ ଏହାକୁ ଶୀଘ୍ର ପ୍ରଦାନ କରାଯିବ। ଏଥିରେ ୨୫ ଲକ୍ଷ ପେନସନଭୋଗୀ ଅଛନ୍ତି। ତାଲିକା ଚୂଡ଼ାନ୍ତ ସ୍କ୍ରିନିଂ ପାଇଁ ମନ୍ତ୍ରଣାଳୟକୁ ଆସିଛି ଏବଂ ଏହା ପ୍ରତିରକ୍ଷା ମନ୍ତ୍ରଣାଳୟର ଅର୍ଥ ଶାଖା ପାଖରେ ରହିଛି ବୋଲି ସେ କହିଛନ୍ତି।
