ନୂଆଦିଲ୍ଲୀ,୨୦।୩ : ୱାନ ର଼୍ୟାଙ୍କ ୱାନ ପେନସନ (ଓଆରଓପି) ନୀତି ଅନୁଯାୟୀ ପେନସନ ଦେୟ ମାମଲାରେ ସୁପ୍ରିମକୋର୍ଟ ପ୍ରତିରକ୍ଷା ମନ୍ତ୍ରଣାଳୟର ଏସମ୍ପର୍କିତ ସିଲ ହୋଇଥିବା କଭର୍ ରିପୋର୍ଟ ଗ୍ରହଣ କରିବାକୁ ମନା କରି ଦେଇଛନ୍ତି। କୋର୍ଟ କହିଛନ୍ତି ଯେ ଆମେ ସିଲ ହୋଇଥିବା କଭର କିମ୍ବା ଗୋପନୀୟ ରିପୋର୍ଟ ଗ୍ରହଣ କରିବୁ ନାହିଁ। ପ୍ରଧାନ ବିଚାରପତି ଡି.ଓ୍ବାଇ.ଚନ୍ଦ୍ରଚୂଡ ଏଜି ଭେଙ୍କରମଣିଙ୍କୁ କହିଛନ୍ତି ଯେ ସେ ସିଲ ହୋଇଥିବା ରିପୋର୍ଟ ଗ୍ରହଣ କରିବା ସିନ୍ଧାନ୍ତକୁ ବିରୋଧ କରନ୍ତି।
ଏହା ନ୍ୟାୟର ମୌଳିକ ନୀତି ବିରୁଦ୍ଧ ଅଟେ। ଆମେ ସୁପ୍ରିମକୋର୍ଟରେ ସିଲ ହୋଇଥିବା କଭର ପ୍ରକ୍ରିୟାକୁ ଶେଷ କରିବାକୁ ଚାହୁଁଛୁ, କାରଣ ଏହାଦ୍ୱାରା ହାଇକୋର୍ଟ ମଧ୍ୟ ଏହାକୁ ବ୍ୟବହାର କରିବା ଆରମ୍ଭ କରିବେ।।
ଏହାର ଏକ କପି ବିପକ୍ଷ ପକ୍ଷଙ୍କୁ ଦିଅନ୍ତୁ କିମ୍ବା ଚ୍ୟାମ୍ବରକୁ ନେଇ ସେମାନଙ୍କୁ ଜଣାନ୍ତୁ। ଏହି କ୍ଷେତ୍ରରେ କେଉଁ ଗୋପନୀୟତା ରହିଛି ? ଆମେ ବକେୟା ପୈଠ କରିବାକୁ ନିର୍ଦ୍ଦେଶ ଦେଇଛୁ। ଯାହା କାର୍ଯ୍ୟକାରୀ ହେଉଛି ।