ମୁମ୍ବାଇ ,୪ା୭: ୱିଣ୍ଡଫଲ୍ ଟ୍ୟାକ୍ସ ବଳରେ ଭାରତ ମଧ୍ୟରେ ଉତ୍ପାଦିତ ତୈଳ ଏବଂ ବିଦେଶକୁ ରପ୍ତାନି ହୋଇଥିବା ଇନ୍ଧନ ଉପରେ ଲାଗୁ ଟିକସ ସମୁଦାୟ ରାଜସ୍ବର ଚତୁର୍ଥାଂଶରୁ ଅଧିକ ହେବ ବୋଲି ଜଣାପଡିଛି। ଫଳରେ ପେଟ୍ରୋଲ ଏବଂ ଡିଜେଲ ଉପରେ ଏକ୍ସାଇଜ୍ ଶୁଳ୍କ ହ୍ରାସ କଲାପରେ ସରକାର ଯେଉଁ ରାଜସ୍ବ ହ୍ରାସ କରିଥିଲେ, ସେସବୁ ଏହି ଟିକସ ବଳରେ ଫେରିପାଇବେ ବୋଲି ଶିଳ୍ପ ସୂତ୍ରରୁ ପ୍ରକାଶ ପାଇଛି।
ପେଟ୍ରୋଲ ଏବଂ ଜେଟ ଇନ୍ଧନ (ଏଟିଏଫ) ରପ୍ତାନି ଉପରେ ସରକାର ଲିଟର ପିଛା ୬ ଟଙ୍କା ଏବଂ ଡିଜେଲ ରପ୍ତାନିରେ ୧୩ ଟଙ୍କା ହ୍ରାସ କରିଛନ୍ତି। ଏହା ଜୁଲାଇ ପହିଲାରୁ ସାରା ଦେଶରେ ଲାଗୁ ମଧ୍ୟ ହୋଇଛି। ସେହିଭଳି ଦେଶରେ ଉତ୍ପାଦିତ ଅଶୋଧିତ ତୈଳ ଉପରେ ଟନ୍ ପିଛା ୨୩,୨୫୦ଟଙ୍କା ଟିକସ ଆଦାୟ କରାଯାଇଥିଲା। କେବଳ ତୈଳ ଏବଂ ପ୍ରାକୃତିକ ଗ୍ୟାସ ନିଗମ (ଓଏନଜିସି), ଅଏଲ ଇଣ୍ଡିଆ ଲିମିଟେଡ୍ ଏବଂ ବେଦାନ୍ତ ଲିମିଟେଡ୍ ପରି ଅଶୋଧିତ ତୈଳ ଉତ୍ପାଦନକାରୀଙ୍କ ଉପରେ ଟିକସ ୨୦୨୧-୨୨ ଆର୍ଥିକ (ଏପ୍ରିଲ୍ ୨୦୨୧ ରୁ ମାର୍ଚ୍ଚ ୨୦୨୨) ମଧ୍ୟରେ ୨୯.୭ ନିୟୁତ ଟନ୍ ତୈଳ ଉତ୍ପାଦନକୁ ବିଚାର କରି ବାର୍ଷିକ ୬୯,୦୦୦ କୋଟି ଟଙ୍କା ଲାଗୁ କରାଯାଇଛି। ସେହିପରି ଚଳିତ ଆର୍ଥିକ ବର୍ଷର ଅବଶିଷ୍ଟ ୯ ମାସ ପାଇଁ ଯଦି ଏହା (୨୦୨୩ ମାର୍ଚ୍ଚ ୩୧ ପର୍ଯ୍ୟନ୍ତ ଟିକସ ବ୍ୟବସ୍ଥା) ଲାଗୁ ହୁଏ ତେବେ ସରକାର ପ୍ରାୟ ୫୨,୦୦୦କୋଟି ଟଙ୍କା ପାଇବେ ବୋଲି ଜଣାପଡିଛି।
ଯେ ଏପ୍ରିଲ ଓ ମେ ମାସରେ ଭାରତ ୨.୫ ମିଲିୟନ ଟନ୍ ପେଟ୍ରୋଲ, ୫.୭ ମିଲିୟନ ଟନ୍ ଡିଜେଲ ଏବଂ ୭୯୭,୦୦୦ ଟନ୍ ଏଟିଏଫ୍ ରପ୍ତାନି କରିଛି। ଯଦି ୨୦୨୩ ମାର୍ଚ୍ଚ ପର୍ଯ୍ୟନ୍ତ ଏହି ଟିକସ ବ୍ୟବସ୍ଥା ଜାରି ରୁହେ ଅତି କମରେ ୨୦,୦୦୦ କୋଟି ଟଙ୍କାର ରାଜସ୍ବ ସଂଗ୍ରହ ହେବ ବୋଲି ବିଶେଷ ସୂତ୍ରରୁ ପ୍ରକାଶ ପାଇଛି। ଏହି ଦୁଇଟି ଟ୍ୟାକ୍ସ ମିଳିତ ଭାବେ ୭୨,୦୦୦ କୋଟି ଟଙ୍କା କିମ୍ବା ପେଟ୍ରୋଲ ଏବଂ ଡିଜେଲ ଉପରେ ଏକ୍ସାଇଜ୍ ଶୁଳ୍କ ହ୍ରାସ କରି ସରକାର ହରାଇଥିବା ରାଜସ୍ବର ୮୫% ରୁ ଅଧିକ ଅର୍ଥ ସଂଗ୍ରହ ହେବ ବୋଲି କୁହାଯାଉଛି। ଚଳିତ ଆର୍ଥିକ ବର୍ଷର ଅବଶିଷ୍ଟ ୧୦ମାସ ପାଇଁ ରାଜସ୍ବ ପ୍ରାୟ ୮୪,୦୦୦ କୋଟି ଟଙ୍କା ଥିଲା ଏବଂ ଓ୍ବିଣ୍ଡ ଟ୍ୟାକ୍ସ ଉକ୍ତ ଅଭାବର ୮୫%କୁ ଦୂର କରିବାରେ ସହାୟକ ହେବ ବୋଲି କୁହାଯାଉଛି।