ପ୍ରତି ମାସରେ ୭୫ ହଜାର ଟଙ୍କା ରୋଜଗାର କରୁଛନ୍ତି ମାତ୍ର ବର୍ଷକର ଶିଶୁ। କଥାଟା ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ। ଏହି କୁନି ଶିଶୁ ସାରା ବିଶ୍ୱରେ ବୁଲାବୁଲି କରି ଟଙ୍କା ରୋଜଗାର କରୁଛନ୍ତି। ଆମେରିକାରେ ରହୁଥିବା ଲୋକେ ଏହି ଶିଶୁକୁ ବେବି ବ୍ରିଗ୍ସ ଭାବରେ ଜାଣନ୍ତି। ବେବି ବ୍ରିଗ୍ସଙ୍କ ବୟସ ମାତ୍ର ୧ ବର୍ଷ ଏବଂ ସୋସିଆଲ ମିଡିଆରେ ତାଙ୍କ ଲୋକପ୍ରିୟତା ଜଣେ ସେଲିବ୍ରିଟି ପରି। ବେବି ବ୍ରିଗ୍ସ ଏ ପର୍ଯ୍ୟନ୍ତ ଆଲାସ୍କା, କାଲିଫର୍ନିଆ, ଫ୍ଲୋରିଡା, ୟୁଟା ଏବଂ ଇଟାହୋ ସହିତ ୧୬ଟି ଆମେରିକୀୟ ରାଜ୍ୟ ପରିଦର୍ଶନ କରିଛନ୍ତି। ଏହା ସହିତ ଏହା ଏପର୍ଯ୍ୟନ୍ତ ୪୫ଟି ବିମାନରେ ଯାତ୍ରା କରିଛି।
ବେବି ବ୍ରିଗ୍ସଙ୍କ ମା’ ଜେସ କହିଛନ୍ତି, ବ୍ରିଗସ ଗତ ବର୍ଷ ଅକ୍ଟୋବର ୧୪ରେ ଜନ୍ମଗ୍ରହଣ କରିଥିଲେ। ଜନ୍ମ ହେବାର ମାତ୍ର ତିନି ସପ୍ତାହ ମଧ୍ୟରେ ସେ ତାଙ୍କର ପ୍ରଥମ ଯାତ୍ରା କରିଥିଲେ। ଏହି ସମୟରେ ଇନ୍ଷ୍ଟାଗ୍ରାମରେ ଜେସ୍ ବ୍ରିଗ୍ସଙ୍କ ଏକ ଆକାଉଣ୍ଟ ଖେଲିଥିଲେ। ଏତେ କମ ବୟସରୁ ବ୍ରିଗ୍ସ ଇନଷ୍ଟାଗ୍ରାମରେ ବହୁତ ପ୍ରସିଦ୍ଧ। ପ୍ରାରମ୍ଭରେ ତାଙ୍କର ଫଲୋଅର୍ସ କମ ଥିଲେ କିନ୍ତୁ ପରେ ଧୀରେ ଧୀରେ ତାଙ୍କର ଲୋକପ୍ରିୟତା ବଢିବାକୁ ଲାଗିଲା। ଇନଷ୍ଟାଗ୍ରାମରେ ଏବେ ତାଙ୍କର ୩୧ ହଜାରରୁ ଅଧିକ ଫଲୋଅର୍ସ ଅଛନ୍ତି। ବେବି ବ୍ରିଗ୍ସଙ୍କ ଇନଷ୍ଟାଗ୍ରାମ ଆକାଉଣ୍ଟକୁ ତାଙ୍କ ମା’ ପରିଚାଳନା କରନ୍ତି। ବ୍ରିଗ୍ସଙ୍କ ମା’ ଇନଷ୍ଟାଗ୍ରାମରେ ଭିଡିଓ ପୋଷ୍ଟ କରନ୍ତି ଯେଉଁଥିରେ ସେ ତାଙ୍କର ଯାତ୍ରା ଅଭିଜ୍ଞତା ଲୋକଙ୍କ ସହ ବାଣ୍ଟନ୍ତି। ଅଭିଜ୍ଞତା ବାଣ୍ଟିବା ପାଇଁ ସେମାନେ ଦରମା ପାଆନ୍ତି । ଏପର୍ଯ୍ୟନ୍ତ ସେ ୧୫୦ଟି ପୋଷ୍ଟ କରିସାରିଲେଣି।
