ପଖାଳକୁ ଭାରି ପଡ଼ିଲାଣି ପିଆଜ, ଆଳୁ

ବଲାଙ୍ଗୀର,୨୯ା୪(ବୀରେନ୍ଦ୍ର କୁମାର ଝାଙ୍କର): ପ୍ରଚଣ୍ଡ ଖରାରେ ତାପମାତ୍ରା ବୃଦ୍ଧି ଏବେ ଲୋକଙ୍କୁ ଅସ୍ତବ୍ୟସ୍ତ କରି ପକାଇଛି। ଏତିକି ବେଳେ ଆଳୁ, ପିଆଜ ଏବଂ ପନିପରିବା ଦରବୃଦ୍ଧି ଲୋକଙ୍କୁ ଚିନ୍ତାରେ ପକାଇଛି। ଖରା ଦିନରେ ଗରିବ ଲୋକଙ୍କ ଉପାର୍ଜନ କମି ଯାଇଥାଏ। ବଲାଙ୍ଗୀର ଭଳି ଅଣଜଳସେଚିତ ଜିଲାରେ ଏହି ସମୟରେ ସାଧାରଣତଃ ମଜୁରି ମିଳିବା କଷ୍ଟକର ବ୍ୟାପାର। ଏହି କାରଣରୁ ଅଣ କୃଷି ଋତୁରେ ଏଠାରୁ ଶ୍ରମିକ କାମଧନ୍ଦା ଅନ୍ବେଷଣରେ ବାହାରକୁ ଯିବା ଏକ ବଡ ସମସ୍ୟା ହୋଇରହିଛି। ଲୋକେ ଅର୍ଥ ସଙ୍କଟ ଦେଇ ଗତି କରୁଥିବା ବେଳେ ଆଳୁ, ପିଆଜ ଭଳି ନିତ୍ୟ ବ୍ୟବହାର୍ଯ୍ୟ ଖାଦ୍ୟ ସାମଗ୍ରୀର ଅହେତୁକ ଦରବୃଦ୍ଧି ଲୋକଙ୍କ ଚିନ୍ତା ଦ୍ୱିଗୁଣିତ କରିଛି। ଏବେ ବଜାରରେ ଆଳୁ କେଜି ପ୍ରତି ୪୦କୁ ଟପିଲାଣି। ପିଆଜ ୨୫ ଟପିଲାଣି। ଆଳୁ ଓ ପିଆଜ ଦରବୃଦ୍ଧି ଯୋଗୁ ଲୋକେ ଅଡୁଆରେ ପଡିଛନ୍ତି। ଖରାଦିନରେ ପଖାଳ ସହ ପିଆଜ ଓ ଆଳୁ ଭରତା ଏକ ସାଧାରଣ ଖାଦ୍ୟ। କିନ୍ତୁ ପଖାଳ ଉପରେ ଆଳୁ ପିଆଜ ଦରବୃଦ୍ଧି ଭାରି ପଡିଲାଣି ବୋଲି ଲୋକେ ଚର୍ଚ୍ଚା କରୁଛନ୍ତି। ଦରବୃଦ୍ଧି ଯୋଗୁ ଲୋକେ ବାଧ୍ୟ ହୋଇ ଅଳ୍ପ ପରିଣାମର ଆଳୁ ଓ ପିଆଜ କିଣୁଥିବା କହିଛନ୍ତି। ଏଥିସହ ପନିପରିବା ଦରବୃଦ୍ଧି ଯୋଗୁ ଲୋକେ ଘୋର ଅସନ୍ତୋଷ ପ୍ରକାଶ କରୁଛନ୍ତି। ଫୁଲକୋବି ଏବେ କେଜି ପ୍ରତି ୫୦ ଟଙ୍କା, ବନ୍ଧାକୋବି ୪୦ ଟଙ୍କା, ପଣସ କେଜି ୮୦ ଟଙ୍କା, ପୋଟଳ ୮୦ ଟଙ୍କା, ଝୁଡଙ୍ଗ ୬୦ ଟଙ୍କା, କୁନ୍ଦୁରି ୬୦, ପାତଳଘଣ୍ଟା ୫୦ ଟଙ୍କା, ବାଇଗଣ ୬୦ ଟଙ୍କା, କାକୁଡି କେଜି ୪୦ ଟଙ୍କା ରହିଛି। ଲୋକେ ବଜାରକୁ ଯାଇ ଚଢ଼ା ଦର ଦେଖି ଅଳ୍ପ ପରିମାଣର ପନିପରିବା ଆଣୁଛନ୍ତି। ଅନ୍ୟପକ୍ଷରେ ଚଢ଼ାଦର ଏବଂ ଟାଣଖରା ବେପାରକୁ ମାନ୍ଦା କରୁଥିବାରୁ ବେପାରୀ ମଧ୍ୟ ଚିନ୍ତାରେ ପଡିଛନ୍ତି। ପ୍ରଚଣ୍ଡ ଖରା ଯୋଗୁ ସକାଳ ସାଢ଼େ ୯ଟା ପରେ ଡେଲିମାର୍କେଟ ଏବଂ ସାପ୍ତାହିକ ବଜାର ଏକପ୍ରକାର ଜନଶୂନ୍ୟ ହୋଇପଡୁଛି। ଫଳରେ ବେପାରୀମାନେ ଠିକ୍‌ ସମୟରେ ପନିପରିବା ବିକ୍ରି କରି ପାରୁନାହାନ୍ତି। ଅନେକ ବେପାରୀଙ୍କ ପନିପରିବା ଖରାରେ ପଚି ନଷ୍ଟ ହୋଇଯାଉଛି। ଶୀତଳ ଭଣ୍ଡାର ନ ଥିବାରୁ ବେପାରୀମାନେ ଅସୁବିଧାରେ ପଡିଛନ୍ତି। ଏବେ ନିର୍ବାଚନୀ ପ୍ରଚାରରେ ନେତା, କର୍ମୀ ଓ ସମର୍ଥକ ମାତିଛନ୍ତି। ବିଶେଷ କରି ତିନି ପ୍ରମୁଖ ଦଳ ଭାଜପା, ବିଜେଡି ଓ କଂଗ୍ରେସର ପ୍ରାର୍ଥୀ ଓ ବରିଷ୍ଠ ନେତାମାନେ ଭୋଟରଙ୍କୁ ବିଭିନ୍ନ ମନଲୋଭା ସ୍କିମ୍‌, ପ୍ରତିଶ୍ରୁତି ଏବଂ ଗ୍ୟାରେଣ୍ଟି କଥା କହୁଛନ୍ତି। ତେବେ ଦରବୃଦ୍ଧି ସମସ୍ୟା ଏବେ ସାଧାରଣ ଜନତାଙ୍କୁ ଅତିଷ୍ଠ କରି ପକାଇଛି।


Enter your email to get our daily news in your inbox.

All Right Reserved By Dharitri.Com

ଧରାପୃଷ୍ଠକୁ ଆସି ଆଇନ ଜାଲରେ ଛନ୍ଦି ହେଲେ ମା’ ଦୁର୍ଗା, ହୋଇପାରୁନି ବିସର୍ଜନ

ଭୁବନେଶ୍ୱର, ୧୮ା୧୦: ଧରାପୃଷ୍ଠକୁ ଆସି ଆଇନ ଜାଲରେ ଛନ୍ଦି ହେଲେ ମା’ ଦୁର୍ଗା। ଜାଗା ବିବାଦ ପାଇଁ ଛନ୍ଦି ହୋଇ ଦଶହରା ପରେ ବି ହୋଇନାହାଁନ୍ତି...

୪ ଜମି ଅଧିଗ୍ରହଣ ଅଧିକାରୀ ନିଲମ୍ବିତ

ଯାଜପୁର,୧୮ା୧୦(ହର୍ଷବର୍ଦ୍ଧନ ବେହେରା): ରାଜ୍ୟର ଦ୍ୱିତୀୟ ସର୍ବବୃହତ୍‌ ବ୍ରାହ୍ମଣୀ ନଦୀ ଉପରେ ନିର୍ମିତ ରେଙ୍ଗାଲି ବହୁମୁଖୀ ଯୋଜନା ଦ୍ୱାରା ଯାଜପୁର ଜିଲାର ୪୬,୬୦୦ ହେକ୍ଟର ଜମିରେ ଜଳସେଚନ...

ହୋଇ ନ ଥିବା ପ୍ରକଳ୍ପ କାମ ଶୀଘ୍ର ଆରମ୍ଭ କର

ଭବାନୀପାଟଣା,୧୭ା୧୦(ଉତ୍ତମ କୁମାର ଦାଶ): କଳାହାଣ୍ଡି ଜିଲା ଭବାନୀପାଟଣାସ୍ଥିତ ଜିଲାପାଳଙ୍କ ସଦ୍‌ଭାବନା ସଭାଗୃହରେ ଗୁରୁବାର ପଞ୍ଚାୟତିରାଜ ଓ ପାନୀୟ ଜ ବିଭାଗର ପ୍ରମୁଖ ଶାସନ ସଚିବ ସୁଶୀଲ...

୨୦ରୁ ଊର୍ଦ୍ଧ୍ୱ ଟ୍ରେନ ବାତିଲ

ରାଉରକେଲା,୧୭।୧୦(ସଙ୍ଗୀତା ଜେନା): ଦକ୍ଷିଣ ପୂର୍ବ ରେଳବାଇ ପକ୍ଷରୁ ମରାମତି ଓ ଅନ୍ୟ କାର୍ଯ୍ୟ ପାଇଁ ଗୁରୁବାର ଏବଂ ଶୁକ୍ରବାର ୨ ଦିନ ଧରି ୨୦ରୁ ଊର୍ଦ୍ଧ୍ୱ...

ଅକ୍ଟୋବର ୨୧, ୨୮ରେ ହେବ ମୁଖ୍ୟମନ୍ତ୍ରୀଙ୍କ ଅଭିଯୋଗ ଶୁଣାଣି: କରିବାକୁ ହେବ ଆଗୁଆ ପଞ୍ଜୀକରଣ

ଭୁବେନେଶ୍ୱର,୧୭।୧୦: ଅକ୍ଟୋବର ୨୧ ଏବଂ ୨୮ରେ ଅନୁଷ୍ଠିତ ହେବ ମୁଖ୍ୟମନ୍ତ୍ରୀଙ୍କ ଜନ ଅଭିଯୋଗ ଶୁଣାଣି। ୧୮ତାରିଖ ପୂର୍ବାହ୍ନ ୧୧ରୁ ଆଗୁଆ ଅନ୍‌ଲାଇନ ପଞ୍ଜୀକରଣ ଆରମ୍ଭ ହେବ।...

କନ୍ୟା ସନ୍ତାନକୁ ଜନ୍ମ ଦେଲେ ଦଶମ ଶ୍ରେଣୀ ଛାତ୍ରୀ: ଅଭିଯୁକ୍ତ ଥାନାରେ ଅଟକ

ଥୁଆମୂଳ ରାମପୁର,୧୭।୧୦(ଦୁର୍ଗା କୀର୍ତ୍ତି): କଳାହାଣ୍ଡି ଜିଲା ଥୁଆମୂଳ ରାମପୁର ଥାନା ଅଞ୍ଚଳରୁ ଏକ ଅଭାବନୀୟ ଘଟଣା ସାମ୍‌ନାକୁ ଆସିଛି। ଜଣେ ଦଶମ ଶ୍ରେଣୀ ଛାତ୍ରୀ ମା’...

ସ୍ତ୍ରୀ, ଶାଶୁଙ୍କୁ ହତ୍ୟା କରି ଫିଙ୍ଗିଥିଲେ: ଖପୁରି ହାଡ଼ ଟାଣି ଖାଉଥିଲା କୁକୁର

ବାସୁଦେବପୁର,୧୭।୧୦(ନାରାୟଣ ପ୍ରସାଦ ବାରିକ୍‌):  ଭଦ୍ରକ ଜିଲା ବାସୁଦେବପୁର ବ୍ଲକ ଅଧୀନ ବାଲିମୁଣ୍ଡା ପଞ୍ଚାୟତର ପାଞ୍ଚଘେରିଆ ଗାଁରେ ଯୋର ନିକଟରୁ ଅଖା ବସ୍ତାରୁ ମଣିଷ ଖପୁରି ହାଡ଼...

ଦୁର୍ଗାପୂଜା କମିଟି ସଦସ୍ୟ ଆଶୁତୋଷ ମୃତ୍ୟୁ ମାମଲା: ହତ୍ୟା ଅଭିଯୋଗ ଆଣିଲେ ଭଉଣୀ 

ବାରିପଦା,୧୭ା୧୦(ନୀଳାଦ୍ରି ବିହାରୀ ଦଣ୍ଡପାଟ)- ମୟୂରଭଞ୍ଜ ଜିଲା ବୈଶିଙ୍ଗା ଥାନା ଅଧୀନ ଖଇରବଣିଠାରେ ବେତନଟୀ ବସ୍‌ଷ୍ଟାଣ୍ଡ ଦୁର୍ଗାପୂଜା କମିଟି ସଦସ୍ୟ ଆଶୁତୋଷ ବେହେରାଙ୍କ ମୃତ୍ୟୁ ଘଟଣାରେ ପୋଲିସର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri