ଢେଙ୍କାନାଳ,୧୭ା୨(ରତନ ନାୟାର): ଭାରତୀୟ ସେନାର ଅଗ୍ନିପଥ ଯୋଜନା ଏବଂ ନିୟମିତ କ୍ୟାଡର ପାଇଁ ୨୦୨୪ ବର୍ଷ ନିମନ୍ତେ ଅନ୍ଲାଇନ ସାଧାରଣ ପ୍ରବେଶିକା ପରୀକ୍ଷାର ପଞ୍ଜୀକରଣ ୧୩ ଫେବୃଆରୀରୁ ଆରମ୍ଭ ହୋଇଥିବା ବେଳେ ଏହା ମାର୍ଚ୍ଚ ୨୨ ପର୍ଯ୍ୟନ୍ତ ଚାଲିବ। ଯୋଗ୍ୟ ପ୍ରାର୍ଥୀ ୱେବସାଇଟ୍ ଜରିଆରେ ଏ ନେଇ ଆବେଦନ କରିପାରିବେ। ପଞ୍ଜୀକରଣ ଓ ଆବେଦନ ପ୍ରକ୍ରିୟା ବର୍ଣ୍ଣନା କରୁଥିବା ଭିଡିଓ ୱେବସାଇଟ୍ରେ ଉପଲବ୍ଧ ରହିଛି। ଆଶାୟୀମାନଙ୍କୁ ପ୍ରଥମେ ଅନଲାଇନ୍ ସାଧାରଣ ପ୍ରବେଶିକା ପରୀକ୍ଷା ଦେବାକୁ ପଡିବ। ଏହି ପରୀକ୍ଷାରେ ଯୋଗଦେବା ପାଇଁ ପରୀକ୍ଷାର୍ଥୀଙ୍କୁ ୨୫୦ ଟଙ୍କା ଦେୟ ଦେବାକୁ ହେବ। ୨୨ ଏପ୍ରିଲ ୨୦୨୪ରୁ ରାଜ୍ୟର ବିଭିନ୍ନ ପରୀକ୍ଷା କେନ୍ଦ୍ରରେ ଅନ୍ଲାଇନ ପରୀକ୍ଷା ଅନୁଷ୍ଠିତ ହେବ। ଅନ୍ଲାଇନ କମ୍ପ୍ୟୁଟର ଭିତ୍ତିକ ପରୀକ୍ଷା ସହିତ ପରୀକ୍ଷାର୍ଥୀଙ୍କୁ ପରିଚିତ କରାଇବା ପାଇଁ ୱେବସାଇଟ୍ରେ ଅଭ୍ୟାସ ମକ୍ଟେଷ୍ଟ ରହିଛି। ଆଶାୟୀମାନେ ନିକଟସ୍ଥ ସେନା ନିଯୁକ୍ତି କାର୍ଯ୍ୟାଳୟ ସହିତ ଯୋଗାଯୋଗ କରିପାରିବେ ବୋଲି ସୂଚନା ଦିଆଯାଇଛି।
